«Қазтеміртранс» АҚ паркі 1000 жаңа ашық вагонмен толықты

«ҚТЖ» ҰК» АҚ Басқарма төрағасының бірінші орынбасары Қанат Әлмағамбетов Павлодар облысы Екібастұз қаласына барып, теміржол саласының жұмыс істеуін қамтамасыз ететін кәсіпорындардың жұмысымен танысты. Өңірде теміржол көлігі үшін өнімнің кең спектрін шығаратын теміржол кластері құрылды. Ұлттық компания отандық өндірушіге қолдау көрсетуде. Бірінші нысан «Қазтеміртранс» АҚ («ҚТЖ» ҰК» АҚ еншілес компаниясы) үшін 1000 ашық вагонды дайындау және жеткізу міндетін табысты орындаған «Қазақстан вагон жасау компаниясы» ЖШС өндірістік алаңы болды.

  - Осындай қысқа мерзім ішінде айына 150 жартылай вагон шығаруды жолға қоюға болатынына сенгендер қатары аз болды. Бұл үлкен жетістік. Қазақстан экономикасы қарқынды дамуын жалғастырып, заманауи кәсіпорындар іске қосылып, жаңа кен орындары әзірленуде, сондықтан алдағы 3-5 жылда жартылай вагондарға деген қажеттілік тек арта түседі, – деп атап өтті Қанат Әлмағамбетов.

Айта кету керек, бұл жоба мемлекет қолдауымен жүзеге асырылды. «Бәйтерек» ҰБХ» АҚ және «Өнеркәсіпті дамыту қоры» АҚ ағымдағы жылы темір жол мұқтажы үшін 1000 жартылай жүк вагонын өндіруге және жеткізуге 23,3 млрд.теңге бөлді. Жаңа ашық вагондар темір жол учаскелеріне: Жаңа-Қарағанды - Брест - 325 ашық вагон, Жомарт Кавказ - 65, Шұбаркөл - Лужская - 200, Шұбаркөл - Вышестеблинская – 200, Қызылжар – Электр станциясы – 65 және Корожонкөл – Электр станциясы-145 бірлік қойылды.

- «Қазтеміртранс» АҚ паркі «жаңа» жылжымалы құраммен толықты. Бұл ретте, жаңа инновациялық вагондардың жөндеуаралық аралығының ұлғаюы өте ыңғайлы, - деп атап өтті «Қазтеміртранс» АҚ тасымалдауды қамтамасыз ету департаментінің директоры Нұрлан Есембаев.

Сонымен қатар, Қанат Әлмағамбетов Екібастұзда орналасқан «Railways Systems KZ» ЖШС компаниялар тобының нысандарын аралады. «Проммашкомплект» ЖШС-да теміржол дөңгелектерін өндірудегі жағдай туралы айтылды. Егер 2019 жылы 53 мыңға жуық доңғалақ шығарылып, жөнелтілсе, 2020 жылы – 154 мың, ал ағымдағы жылы шамамен 120 мың. Өнім Қазақстан бойынша да, шет елдерге де қойылады. Бұдан кейін ол «RWS Wheelset» ЖШС қызметімен танысты. Мұнда теміржол осьтері мен доңғалақ жұптары шығарылады. Осы жылы кәсіпорын Петропавлдағы «ЗИКСТО» АҚ үшін 10 мың доңғалақ жұптарына және «Қазақстан вагон жасау компаниясы» ЖШС үшін тағы 4 мың доңғалаққа тапсырыс берді.