ТҚК-2 сервистік қызметінің шеберлері электровоздарды 1 жарым сағатта тексеріп шығады

Райхан Рахметова

«Қазақстан теміржолшысы» газетінің тілшісі

Локомотив шаруашылығында тепловоздарды тексеру мен техникалық қызмет көрсетудің бірнеше түрі бар. Соның ішінде ТҚК-2 сервистік қызметтің орны бөлек. Астана локомотив пайдалану депосында бұл қызметті тәжірибелі слесарлар атқарады, деп хабарлайды Rail-news.kz.

Депода ТҚК-2 қызметі барлық локомотивтерге жаппай көрсетіледі. Бір ауысымда 10-12 слесарь жұмыс істейді. Цехтың аға шебері Мейіржан Бапаевтың айтуынша, олардың басты міндеті – тепловоздардың жүріс бөлігін, тежегіш жүйесін, тартпа қозғалтқыштарын, көмекші агрегаттарын, трансформаторын және электр аппараттарын қарап, тексеру, егер ұсақ-түйек ақау анықталса, сол жерде жөндеп жібереді. Яғни, косметикалық жеңіл-желпі, сонымен қатар негізгі жүріс бөліктердің күтімін жасау болмақ. Қаз-қатар тізілген тепловоздар мен электровоздарды мұнда тексеріп қараудың шектеулі уақыты бар. Мәселен, бір электровозды қарауға 1 сағат 20 минут берілсе, тепловоз 1 сағатта қаралады. Аға шебер Мейіржан бізді арнайы шұңқыр үстінде тұрған тепловозға алып барып, оның астында да, үстінде де, тіпті ішінде де слесарьлардың қызу жұмысын жасап жатқанын көрсетті.

– Бізде барлығы 4 ауысым бар, сонда жалпы 48 адам жұмыс істейді. Слесарьлар өз қызмет саласына қарай бірнеше циклға бөлінеді. Мәселен, аппарат жөндеуші, автомат жөндеуші, аккумулятор жөндеуші, жүріс бөлшегін жөндеуші, асты-үстін қарайтын механиктер, мотористер, төбе жөндеуші, кранды тексеруші деген сияқты түрлі саладағы слесарьлар әр ауысымда таңғы 9.00-ден кешкі 21.00-ге дейін және одан әрі таңға дейін бөлініп жұмыс атқарады. Егер осы визуалды қарау кезінде ақау табылса, акт жазылып, «Қамқор локомотивке» жөндеуге жібереміз, – дейді М.Бапаев.

Цехқа кірген бетте қолқаны қапқан шаң мен майдың иісі болмаса, барлық жерде тазалық пен тәртіп сақталған. Иіс – локомотивтерде жиі ауыстырылатын май мен құмның салдары екені белгілі. Бастарына каска, қолдарына қолғап және басқа да арнайы киімдерін киіп жұмыс істеп жатқан жұмысшылар үшін мұның бәрі қалыпты жағдай екені көрініп тұр, тепловоздардан жұққан майға да, иіске де қарамай өз жұмыстарын мұқият атқарып жатыр. Ауысым шебері Марат Нұрмағамбетовтің айтуынша, олар зиянды еңбек жағдайына байланысты берілетін сүт өнімдерін алады, емдеу-сауықтыру орындарына жолдама беріледі.

– Әр жүк электровозы 36-48 сағат сайын осы тексеруден өтіп тұруы керек. Ал жолаушылар электровозы қанша жүргеніне қарамастан, жиі тексеруден өтеді. Маневрлік тепловоздар аптасына бір рет қаралады. Олардың майының деңгейін қараймыз, тежегіш бұғауын ауыстырамыз, керек болса құмын салып береміз. Толық тексеруден өткен соң тепловоздарға арнайы штамп қоямыз, сервис сапасы слесарьлар біліктілігіне сын болғандықтан, біздің жігіттер жұмысты тыңғылықты атқарып үйренген, оның үстіне мұндағы слесарьлардың дені – 30-40 жыл тәжірибесі бар нағыз темірден түйін түйгендер, – дейді ауысым шебері.
Аймақтар
02.08.2025
Сән-салтанат та, марапат та қарапайым еңбек иелеріне арналды
Жаңалықтар
01.08.2025
ҚТЖ-ның үздік қызметкерлері мемлекеттік және ведомстволық наградалармен марапатталды
Аймақтар
01.08.2025
Қызылорда теміржолының шежірелі жолы мен жаңа жетістіктері
Аймақтар
01.08.2025
Ерен еңбек еленген күн
ҚТЖ келбеті
01.08.2025
Маңғыстаулық машинист Президент қолынан мемлекеттік награда алды
Жаңалықтар
01.08.2025
ҚТЖ басқарма төрағасы қызметкерлерді теміржолшылар күнімен құттықтады
Жаңалықтар
01.08.2025
Көлік саласы қызметкерлеріне мемлекеттік наградалар табыс етілді
Жаңалықтар
01.08.2025
Мемлекет басшысы көлік саласының қызметкерлерін марапаттады
Жаңалықтар
01.08.2025
ҚТЖ «HR-бренд 2025» байқауында жүлделі орынға ие болды
Аймақтар
01.08.2025
Кәсіби мерекеге тарту
Аймақтар
01.08.2025
Сын сағатта сыналғандар
ҚТЖ келбеті
01.08.2025
Темір жолдың темірдей тәртібінде шыңдалған ер
ҚТЖ келбеті
01.08.2025
Құрметке лайық Күнсұлу
Аймақтар
01.08.2025
Мамандық таңдау – маңызды қадам
ҚТЖ келбеті
01.08.2025
Теміржолшының сергектігі – жүздеген жолаушының амандығы
ҚТЖ келбеті
01.08.2025
Байланыстың бапкері
ҚТЖ келбеті
01.08.2025
Алғыс арқалаған жолсерік
Жүк тасымалы
01.08.2025
«ҚТЖ» – Еуразиялық транзиттік дәліздердің негізгі драйвері
Аймақтар
01.08.2025
Сенат депутатымен кездесу өтті
Жаңалықтар / Мұрағат
01.08.2025
Қазақстан теміржолшысы газеті, №59-60 01 тамыз 2025 жыл