Ұлттық тасымалдаушы Алматы бағытында миллионға жуық жолаушы тасымалдады
Жазғы тасымал кезеңінде Алматы еліміздің негізгі теміржол тораптарының бірі болып есептеледі. Бұл бағытқа деген жоғары сұраныс жолаушылар ағынымен расталады. 2026 жылдың басынан бері Ұлттық тасымалдаушының пойыздарымен Алматы бағыты бойынша 992 мыңнан астам жолаушы тасымалданды, деп хабарлайды Rail-news.kz.
Тасымалдауды қамтамасыз ету мақсатында Ұлттық тасымалдаушы Алматы бағыты бойынша қатынайтын 26 жұп пойызға қызмет көрсетеді. Оның ішінде 13 стандартты пойыз, 11 «Тальго» пойызы және 2 қала маңы бағыты бар.
Стандартты пойыздар
1. №21/22 Қызылорда – Семей — күн сайын
2. №23/24 Ақтөбе – Алматы — күн ара
3. №31/32 Павлодар – Алматы — күн сайын
4. №33/34 Ақтөбе – Алматы — күн сайын
5. №41/42 Атырау – Алматы — күн ара
6. №7/8 Алматы – Саратов — күн ара
7. №77/78 Алматы – Маңғыстау — күн сайын
8. №351/352 Алматы – Өскемен — күн сайын
9. №73/74 Алматы – Жезқазған — күн ара
10. №87/88 Алматы – Сарыағаш — күн ара
11. №113/114 Алматы – Қазан — аптасына 1 рет
12. №301/302 Алматы – Новосібір — күн ара
13. №221/222 Алматы – Достық — аптасына 3 рет
«Тальго» пойыздары
1. №1/2 Алматы – Ташкент — күн сайын
2. №3/4 Алматы – Астана — күн сайын
3. №9/10 Астана – Алматы — күн сайын
4. №11/12 Алматы – Шымкент — күн сайын
5. №25/26 Алматы – Шымкент — күн сайын
6. №27/28 Алматы – Орал — күн ара
7. №105/106 Алматы – Петропавл — күн ара
8. №119/120 Алматы – Қостанай — күн ара
9. №207/208 Алматы – Достық — күн ара
10. №211/212 Алматы – Достық — күн ара
11. №231/232 Алматы – Семей — күн ара
Қала маңы пойыздары
1. №6931/6932 Алматы – Сарыөзек — күн ара
2. №6985/6986 Алматы – Алтынкөл — күн сайын
Жол жүру билеттерін bilet.railways.kz ресми сайтынан, «Жолаушылар тасымалы» АҚ-ның теміржол билет кассаларынан, сондай-ақ, билеттерді сату бойынша мобильді сервистер арқылы сатып алуға болады.
Жолаушыларға қолайлы жағдай жасау мақсатында электрондық кезек арқылы босаған орындарға билет сатып алуға мүмкіндік беретін «Күту парағы» қызметі жұмыс істейді. Бұл қызметті bilet.railways.kz сайтында және теміржол билет кассаларында пайдалануға болады.
Қосымша ақпаратты жолаушылар 1433 тегін байланыс нөмірі арқылы ала алады.