Маңғыстауда биыл 12 мал пойыздың астына түскен

Қауіпсіздік
17.06.2024, 12:54
Шахида Жұман

Маңғыстау облысы бойынша меншікті тілші

Маңғыстау магистральдық желі бөлімшесінің Маңғыстау жол дистанциясына қарасты теміржол аумағында биылғы жылдың өткен бес айында 12 мал пойыздың астына түскен. Бұл тек бөлімшеге қарасты бір дистанция бойынша ахуал.  

Теміржолдағы мал мәселесі айта-айта жауыр боп, әлдеқашан тізесі шыққан тақырып. Дегенмен, тығырықтан шығудың жолы қайсы деген мәселе әлі шешімін таба алмай отыр. Малда «тіл» жоқ, оны соққан машинисте жазық жоқ. Енді қайтпек керек? Төрт түлікке тіл бітіп, ақыл-ес кіруін күтпейміз әрине, мыңдаған шақырым теміржолды түгел қоршау да  мүмкін емес. Сондықтан теміржолшылар өз күштерімен тынымсыз күрес жүргізуде.  

Былтырғы бес айдағы көрсеткіш те оңып тұрған жоқ, осы аумақта он мал теміржол көлігіне басылған, биылғы көрсеткіш көріп тұрғанымыздай одан да  көбейген. Төрт түліктің жолға шығуына пойыз машинистері 62 рет шұғыл тежеу беруге мәжбүр болған. Бұл жағдайлар 3,10 тонна жағармайдың ысырап болуына әкеп соққан. Сонша шығын мен кеткен уақыттың өтеуін кімнен сұрауға болады?    

– Пойыздың мал басуымен байланысты фактілердің барлығы да төрт түліктің теміржол бойында жүруі, бақташының болмауы салдарынан тіркеліп отыр. Ол Маната-10, 11-12, 14-15, 15-16, 16-Тамақ-Маңғыстау, Ақбөбек-Бастау, Шетпе-14, Жетібай-Өзен бекеттер мен станциялар аралықтарында болған жағдайлар. Оқиғаның төртеуінде мал иесі әлі табылмады. Қалған 8 деректе малдың кімдікі екені анықталып, иесіне ҚР Әкімшілік құқық бұзушылық туралы Кодексінің 30-тарау 559-бабы 1-бөлігіне сәйкес ескерту мен айыппұл салынды, – дейді бұл туралы дистанцияның жетекші инженері Ержан Артықбаев.  

Мұндай деректердің алдын алу үшін жолшылар тек биыл мал иелері, төрт жүзден астам адаммен кездесіп, ақпарат беріп, түсінік жұмыстарын жүргізген. Төрт түлікке арнайы бақташы ұйымдастыру ұсынысымен Маңғыстау, Қарақия және Мұнайлы аудан әкімдеріне 14 хат жолданған.  

Желілік полиция бөлімшесі және ауыл әкімдігінің қызметкерлерімен бірлесе Шетпе, Аусары, Қосбұлақ, Емір, Мұнайшы ауылдарының тұрғындарына теміржол бойында мал жаймау туралы профилактикалық жұмыстар жүргізілген. Сондай-ақ    биылғы жылы темір жол аумағына мал кірмес үшін №11-12, 12-13, 13- Шетпе-14, 15-16, Жетібай-Өзен аралықтарына малға қарсы 118 шақырым жаңадан қоршау құрылысы жоспарланып отыр екен.

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті