Илецк станциясында теміржолшылар үшін еңбек жағдайлары жақсарды
«ҚТЖ-Жүк тасымалы» - «Илецк» ЖШС филиалында жұмыс орындарын жақсарту бойынша жұмыстар жүргізілді, деп хабарлайды Rail-news.kz.
Пойыздық ақпаратты өңдеудің станциялық технологиялық орталығының (техкеңсе) үй-жайы жөнделді. Бұл орталық вагон ағындарының уақтылы өтуін қамтамасыз ететін станцияның маңызды өндірістік учаскелерінің бірі болып табылады. Жөндеуден кейін мұнда вагондар мен контейнерлерде жүктерді тасымалдау кезінде тасымал құжаттарын жеделдетіп ресімдеу үшін қолайлы жағдайлар жасалған. Сондай-ақ, пойыздар қабылдаушылардың, құрастырушылар мен вагондар қозғалысы жылдамдығын реттеушілердің барынша жайлылығы үшін үй-жайлары жөнделді.
«Ұжым – екінші отбасы. Станцияда «ҚТЖ-Жүк тасымалы» ЖШС - де қабылданған жұмыскерлердің еңбек жағдайларын жақсарту бағдарламасы шеңберінде жұмыс орындарында ыңғайлылық пен жайлылықты қамтамасыз ету үшін жөндеу жұмыстары жүргізілуде, - деді «ҚТЖ - Жүк тасымалы» ЖШС – «Илецк» филиалының директоры Дауд Ниязбаев.