Атырауда Наурыз мерекесіне орай байқау өтті

Аймақтар
20.03.2023, 12:19
Суретті түсірген автор
Қосұйым Мұқашев

Атырау облысы бойынша меншікті тілші

Атырау магистральдық желі бөлімшесінде «Қош келдің, Наурыз мейрамы!» атты байқау өтті.

Ұлыстың Ұлы күні – Наурыз мейрамы да келіп жетті. Күн мен түннің теңеліп, жан-дүниені тірілткен, шаруаның бір малы екеу болып, арқа-басы кеңіп, аққа аузы тиген, қытымыр қыстың ызғарынан құтылып, алдағы шуақты күндерден үміттендірген Наурыз мерекесі Тәуелсіз еліміздің зор ықыласпен тойланатын нағыз халықтық сипаттағы салтанатқа айналды.  

Теміржолшылар да бұл күнді жыл сайын зор қуанышпен атап өтіп келеді. Мереке қарсаңында Атырау магистральдық желі бөлімшесінде басқару аппараты кеңсесіндегі бөлімдер арасында «Қош келдің, Наурыз мейрамы!» атты байқау өтті. Оның мақсаты – теміржолшылар арасында ұлттық салт-дәстүрді, жыл басы – Наурыз мерекесінің маңызын насихаттау, ұжымның бірлігін нығайту. Сайыста әр бөлім қызметкерлерінің дәстүрлі киіну үлгілері, қызметтік бөлмелерді Наурыз мерекесіне сәйкес безендіру, Наурыз дастарханын дайындау, салт-дәстүр бойынша өнер көрсету талаптары қойылды.  

Байқауға қатысқан Экономика, кадр, қаржы, өнідірістік-техникалық, еңбек қорғау, материалдық-техникалық, вокзал шаруашылығы, басқа да бөлімдер тыңғылықты дайындалыпты. Кабинеттер ұлттық нақышта безендірілген, барлық мамандар ұлттық киім киген. Онда қазақ халқының тұрмыс-тіршілігінде пайдаланатын киіз үйден бастап барлық ұлттық бұйымдар қойылған. Әр бөлім өзінше ынтамен дайындалғаны көрініп тұр: төрге ілінген алмас қылыш, қамшы мен домбырадан бастап, тымақ, кебеже-сандық, қазан-ошақ, халқымыз қолданған басқа да ұлттық бұйымдар қойылған. Сырға салу, сыңсу, жамбы ату, асық ойын, ат қою, бесікке салу, қыз ұзату, т.б. көптеген салт-дәстүрлерден қойылымдар көрсетіліп, дастархан мәзірі де Наурыз көжеден бастап, ет, қазы-қарта, жал-жая, жент пен сүзбе, бұжы, басқа да ұлттық тағамдарға толы болды. Ән айтылып, күй де төгілді.  

«Сайыстың мақсаты сынау емес сыйлау, Наурыз мерекесін теміржолшылар қалай түсінеді, дәстүрімізді ұмытпай, кейінгі жастарға насихаттай жүрейік, ұжым бірлігін нығайтайық деген ой», – дейді Атырау магистральдық желі бөлімшесі кәсіподақ ұйымының жетекшесі Марат Бейсенғалиев. Соған орай әділқазылар алқасы бәрін де жеңімпаз деп танып, белгіленген жүлдені бөлімдерге теңдей бөліп берді. Бөлімше 22 күні өтетін Наурыз мерекесіне де қызу дайындық үстінде.

Жолаушылар тасымалы
30.04.2025
«Jibek Joly» туристік пойызы кезекті сапарға аттанды
Жүк тасымалы
30.04.2025
Қазақстан астығы теміржол арқылы Мароккоға жөнелтілді
Темір жол тарихы
30.04.2025
Сталинград майданының жауынгері
Әлемде
30.04.2025
Өзбекстан Ташкент – Хиуа бағытына жаңа вагондарды іске қосты
Қауіпсіздік
29.04.2025
Практикалық сабақтардың тиімділігі жоғары
Қауіпсіздік
29.04.2025
Дүниежүзілік еңбек қорғау күні аясында Жіңішке станциясында арнайы тренинг өтті
Инфрақұрылым
29.04.2025
Машина жасау саласы қалай дамуда?
Қауіпсіздік
29.04.2025
Еңбекті қорғау – қауіпсіздік кепілі
Жаңалықтар / Мұрағат
29.04.2025
Қазақстан теміржолшысы газеті, №33 29 сәуір 2025 жыл
Жаңалықтар
28.04.2025
ҚТЖ және РЖД 2025-2027 жылдарға арналған стратегиялық ынтымақтастық жоспарын бекітті
Қауіпсіздік
28.04.2025
Еңбекті қорғау: жасанды интеллект рөлі қандай?
Спорт
28.04.2025
Қызылордада теннис турнирі өтті
Аймақтар
28.04.2025
Теміржолшылар экологиялық акцияға үн қосты
Темір жол тарихы
28.04.2025
«Даңқ» ескерткішіне тағзым
Аймақтар
28.04.2025
Павлодарда көмір тиеу көлемі бойынша тарихи рекорд орнады
Жолаушылар тасымалы
28.04.2025
«Орал–Маңғыстау» пойызында әйелдер вагоны ашылады
Жаңалықтар
26.04.2025
Теміржолшылар ұйымдасқан түрде сенбілікке шықты
Жаңалықтар
25.04.2025
Маңғыстау өңірінде үш жаңа теміржол вокзалы салынады
Жолаушылар тасымалы
25.04.2025
ҚТЖ billet.railways.kz сайтында жаңа функцияны іске қосты
Жаңалықтар
25.04.2025
Қазақстан машина жасаушылар форумында теміржолдық машина жасауды дамыту мәселесі талқыланды