Жүз жасаған жауынгерді құттықтады

Аймақтар
13.05.2024, 12:50
Ардақ Ерубаева

Ақтөбе облысы бойынша меншікті тілші

9 мамыр күні хромтаулық соғыс ардагері, кешегі теміржолшы Василий Грецкийдің шаңырағында той болды. Өйткені хромтаулықтар жеңіс күнін ардагердің ауласында атап өтті. Жүзге келген қарт майдангерді облыс әкімі, әскерилер мен теміржолшылар және қала тұрғындары құттықтап барды.  

Никельтау жол дистанциясының бастығы Қайрат Танабергенов бастаған теміржолшылар мен кәсіподақ өкілдері де ардагерді құттықтап, әңгімесін тыңдап қайтты.    

Президенттің құттықтау хатын табыстаған Ақтөбе облысының әкімі Асхат Шахаров соғыс ардагерінің пәтеріне күрделі жөндеу жасалатынын айтты.  

Ғасыр жасаған қария әлі де тың. 

«Елде тек тыныштық болсын. Қайғы-қасірет болмасын. Ұрпақ ашық аспан астында өмір сүрсін. Бұл жеңістің оңай келмегенін ұмытпау керек», – деді майдагер.  

Василий Грецкий Ақтөбе облысында қалған жалғыз соғыс ардагері. 100 жастағы майдангер Хромтау ауданында тұрады. Қария таңғы жаттығуын жасап, салауатты өмір салтын сақтауды әдетке айналдырған.

«Әкем өзінің белсенді өмір салтының арқасында осы жасқа жетіп отыр. Күнделікті жаттығу жасайды. Ол сабырлы адам. Дауыс көтермек түгілі, жаман сөз айтып көрмеген. Бақытты балалық шағы болмаған. Есейгенде соғысқа кетті.   Анаммен 65 жыл бірге тұрды. Өте жомарт, қайсар азамат», – деді майдангердің қызы Наталья Жемчужина.  

Василий Грецкий 1924 жылы Беларусь елінде дүниеге келген. Он бір жасында әкесі қуғын-сүргінге ұшырап, 3 ағасы, 2 әпкесімен бірге Қазақстанға жер аударылады. Жастайынан еңбекке араласып, бауырларымен  Шу даласында мақта терген. Соғысқа әуелі ағалары, кейін өзі аттанған.    

Василий Иванович Белоруссия, Украина, Польша елдерін азат етуге қатысқан. Жеңісті Берлин түбінде қарсы алған жауынгер соғыста үш рет жараланған. Қарт майдангердің омырауында «Қызыл жұлдыз», II дәрежелі Отан соғысы ордендері жарқырайды. 1946 жылы елге оралып, 40 жылдан аса теміржол саласында еңбек етті. Үш бала өсірді. Бүгінде олардан 6 немере мен 13 шөбере сүйіп отыр.

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды