ҚТЖ Басқарма төрағасы Қарағанды өңіріне барды
«Қазақстан темір жолы» ҰК» АҚ Басқарма төрағасы Талғат Алдыбергенов Қарағанды – Сұрыптау станциясында Қарағанды жүк тасымалы мен магистральдық желі бөлімшелерінің басшылығымен тораптық кеңес өткізді, деп хабарлайды Rail-news.kz.
Тасымалдау процесін ұйымдастыру, пойыздар қозғалысы қауіпсіздігінің және еңбекті қорғау мәселелері қаралды. Компания басшысы қауіпсіздіктің басымдығын, әсіресе қыс мезгілінде және барлық деңгейдегі басшылардың еңбекті қорғау нормаларын сақтаудағы дербес жауапкершілігін атап өтті.
Теміржол өткелдеріндегі оқиғаларды азайтуға ерекше назар аударылды. Бұзушылықтарды автоматты түрде тіркей отырып, бейнебақылау жүйелерін енгізу, алдын алу іс-шараларын жүргізу, құқық қорғау органдарымен бірлескен рейдтер және тексеру аппаратының жұмысын күшейту жол-көлік оқиғаларын қысқартуға ықпал етуде.
Қарағанды жүк тасымалы және магистральдық желі бөлімшелерінің қызметкерлері арнайы киіммен және жеке қорғаныс құралдарымен толық қамтамасыз етілген.