Қуантсаң – баланы қуант...
Атырау облысы бойынша меншікті тілші
Атырауда балалар үшін ұйымдастырылған ойын-сауық шаралары 30 мамыр-1 маусым аралығын қамтып, бірнеше күнге созылды.
«Қазкөліккәсіп» ҚБ Атырау өкілдігінің төрағасы Боранбай Қамиевтің айтуынша, Атырау жүк тасымалы бөлімшесіне қарасты қала маңына жақын Атырау, Ақжайық, Махамбет, Теңдік станциялары, локомотив, вагон деполары, басқару аппараты қызметкерлерінің 530 баласы «Каспий» балалар ойын-сауық кешенінде болып, құмары қанғанша ойнап, кейін тәтті дастархан ұйымдастырылды.
Шалғай станцияларда да осындай ойын-сауық шаралары өткізіліп, балаларға мерекелік көңіл-күй сыйлады. Сондай-ақ Атырау магистральдық желі бөлімшесіне қарасты барлық мекеме қызметкерлерінің жалпы саны 788 бала да осындай көңіл көтеру шараларына қатысты. Және балалардың жас ерекшеліктеріне сай жұмсақ қуыршақтар, танымдық ойыншықтар, соңынан тәтті тағамдар мен сусындар таратылды.
