Бала қиялындағы болашақ

Әлеумет
22.09.2025, 09:47
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Күздің шуақты күндерінің бірінде Қызылорда қаласындағы «Арай Сити Молл» кешені ерекше бір сәнге бөленді, себебі бұл күні айналаның бәрі арманға толы. Әдетте демалушылар мен қала тұрғындарына арналған орын бұл жолы балауса қиялдың, алуан бояудың, мөлдір арманның алаңына айналды. Бұл күн жай ғана сурет жарысы емес, болашаққа қадам басқан үміттің, жүрекке ұялаған арманның мерекесі болды. Балалардың қылқаламынан туған әр бояу ертеңгі таза Қазақстанның бояуы іспетті еді.

Қызылорда ЖТ бөлімшесіне қарасты мекемелердің теміржолшы балалары сурет конкурсына жиналды. Әрқайсысының жүрегінде бір арман- «Таза Қазақстан – Таза болашақ» деген асқақ ұғымды қағаз бетіне түсіру. Мұның алдында ойыншық пен кітап сыйлау науқанын өткізілген-ді.

Сурет көрмесінің алғашқы сәтінде-ақ бірден байқайсың, бұл балалар үшін жай ғана жарыс емес, табиғатқа деген сүйіспеншілік пен туған жерге деген махаббаттың сырлы әңгімесі. Бірі қиялындағы жасыл орманды, бірі көгілдір өзенді, енді бірі рельспен зуылдаған пойызды бейнелепті. Олардың барлығының жүрегінде ортақ тілек еліміздің табиғаты мәңгі таза, келешегі жарқын болса екен.

Сайыстың жоғары деңгейде өтуіне мекемелердің кәсіподақ ұйымымен инженер экологтар ұйытқы болды. Мұхтар Көпірбаев, Бақытжан Ибрайым Мақсұт Сейітов пен Қызғалдақ Оспымбетовалар бастаған төрағалардың, экологтардың еңбегі балалардың қуанышты жүздерінен айқын сезілді.

Әсіресе, қазылар алқасы әр туындыны мұқият қарап, жылы лебіздерін білдірген сәтінде зал іші қуанышқа толып кетті. Қызылорда ЖТ бөлімшесінің бас инженері Күлхан Белкібаев әр суреттің алдында ұзақ аялдап, әр баланың ойына құлақ түрді. Ал Мұхтар Көпірбаев болса: «Бұл кішкентай суреттерде үлкен арман жатыр. Бұл болашақтың бейнесі»,- деп тебіренді.

Ал, балалар болса әркім өз алған суретімен мақтанып түсіндіріп әуре. «Мен табиғатты жасыл түске боядым. Әр ағаш, әр гүл бізді қорғап тұрғандай сезіледі» десе, енді бірі суретіне сүйсіне қарап: «Әкем пойыз жүргізеді. Мен де пойызды қостым. Қазақстанды таза елестетсем, бәрі әдемі болады», деп балалық шынайылығымен жүрек тебірентер сөзбен айналасындағыларға әсер етіп жатты

Сайыс соңында барлығы сыйлықтарға ие болып, тәтті дастарханнан дәм татты. Бірақ ең бастысы балалардың бойына сенім мен шабыт дарыды. Ата-аналардың қуаныштан жайнаған көздері, алғысқа толы сөздері сол күннің мәнін айшықтай түсті.

Қызылорда локомотив пайдалану депосының инженер-экологы Қызғалдақ Оспымбетова балалардың жәрмеңкеге ерекше ықыласпен қатысқанын қуана жеткізді. Оның айтуынша, бүлдіршіндердің көзіндегі оттай жанған қуаныш, қолындағы ойыншығын немесе сүйіп оқыған кітабын қатарласына сыйлағандағы мейірім үлкендерге де үлгі боларлық ізгі қадам.

«Балалардың жүздеріндегі шат күлкі, бір-біріне сый жасағандағы жүрек жылуы бізге де қуаныш сыйлады. Бұл қарапайым ғана акция емес, кішкентайлардың достықты, сыйластықты, қамқорлықты сезінуіне үлкен мүмкіндік болды. Әр бала өзінің кішкентай тартуын ұсынып қана қойған жоқ, сонымен бірге қуанышты бөлісудің, бақытты сыйлаудың ләззатын сезінді», - дейді Қызғалдақ Оспымбетова.

Инженердің айтуынша, осындай игі шаралар балалардың бойына ізгілік пен мейірім дәнін егіп, олардың жүректерін жылылыққа бөлейді. Шынайы эмоцияға толы жүздері бұл акцияның ең басты нәтижесі.

Жолаушылар тасымалы
30.11.2025
ҚТЖ «Алматы – Новосибирск» бағытына жаңа вагондарды жолға шығарды
Жүк тасымалы / Апта саны
28.11.2025
Достық - Мойынты екінші жолдарымен 1,2 мыңнан астам пойыз өтті
Жаңалықтар
28.11.2025
Қазақстан–Швейцария іскерлік кеңесіне 25-тен аса швейцариялық компания қатысты
Жүк тасымалы
28.11.2025
Қостанайда астықты теміржол көлігімен тасымалдау 20% өсті
Жаңалықтар
28.11.2025
Достық және Алтынкөл станцияларының қызметкерлері ҚХР-да өткен семинарға қатысты
Сұхбат
28.11.2025
Қауіпсіздікті күшейтуге күш салудамыз
Аймақтар
28.11.2025
Қостанай өңірінде контейнерлік пойыздарды ресімдеудің ашық тәртібі енгізілді
Аймақтар
28.11.2025
Өткелдерді жаңарту жалғасуда
Жаңалықтар
28.11.2025
Астанада қозғалыс қауіпсіздігі бойынша байқау өтті
Жаңалықтар
28.11.2025
Ташкентте Транскаспий көлік дәлізі мен байланысты дамыту жөніндегі Инвесторлар форумы өтті
Қауіпсіздік
28.11.2025
Практикалық сабаққа қатысты
Жаңалықтар
28.11.2025
ҚТЖ және Rail Cargo Austria транзиттік осьті күшейтуде
Жаңалықтар / Мұрағат
28.11.2025
Қазақстан теміржолшысы газеті, №99 28 қараша 2025 жыл
Аймақтар
27.11.2025
Теміржолшы кәсібіне құрмет
Аймақтар
27.11.2025
Техникалық кітапханаға – 90 жыл
Жаңалықтар
27.11.2025
ҚТЖ жеке вагондардың тоқтап тұруын қысқартуға шақырды
Инфрақұрылым
27.11.2025
Жабық жол қайта ашылды
Жаңалықтар
26.11.2025
ҚТЖ басшысы: Компания Әзірбайжанға астық жеткізуді 25 есеге арттырды
Спорт
26.11.2025
Күзет қырандары – спартакиада чемпионы
Жүк тасымалы
26.11.2025
Алты мемлекет Иран арқылы контейнерлік транзитті арттыру үшін күш біріктіруде