Атырауда Қазақстан темір жолының 120 жылдығына орай балық аулаудан жарыс өтті
Атырау облысы бойынша меншікті тілші
Жұмыстан қол босаған кезде бір ауық таза ауаға серуенге шығып, өзеннен балық аулап, демалып отырғанға не жетсін! Өткен сенбіде атыраулық теміржолшылар тағы да бас қосып, бұл жолы Жайық өзенінен балық аулауға барды.
«Қазақкөліккәсіп» ҚБ Атырау өңірі бойынша өкілдігі мен спорт нұсқаушыларының ұйымдастыруымен Қазақстан темір жолының 120 жылдығына орай балық аулаудан жарыс өтіп, оған ГП-13, НЖС-13, ТЧЭ-3, ТЧЭ-4, ВЧДЭ-1, қала басындағы Акжайык, Атырау, Махамбет станциялары, ПЧ-9, ШЧ-8, ШЧ-9, ВП-9 мекемелерінің теміржолшылары қатысып, алты номинация бойынша өткен сайыста балық аулаудың нағыз шеберлері анықталды.
Спорт нұсқаушысы Ренат Иманғазиевтің айтуынша, ең бірінші боп қармағын балық қапқан ВЧДЭ-1 жұмысшысы Сергей Медведев болды. Ең үлкен балық локомотивші Жандарбек Ақдосжановтың, ал ең кішкентай балық Теңдік станциясынан Ізбасар Өткелбаевтың қармағына ілініпті. Бәрінен көп балық аулаған байланысшы Жұмабай Мұқашев болса, ең жас балықшы Әділжан Мутиполлаев, ал ең тәжірибелі НЖС-13 қызметкері Насихат Зиналиев болды. Жеңімпаздар диплом және бағалы сыйлықпен марапатталып, барша жарысқа қатысушылар да ынталандыру сыйлығына ие болып, мәз-мәйрам болды.
