Вагон шаруашылығында ұлттық спорттан жарыс өтті

Спорт
16.04.2024, 12:35
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

Астана вагон пайдалану депосының вагон қараушылары ұлттық спорттан жарыс өткізді. Кәсіподақтың ұйымдастыруымен өткен сайыс Қазақ темір жолының 120 жылдығына арналды.

Вагон шаруашылығының 70 жұмысшысы қатысқан жарыста асық ату, арқан тарту, кір тасын көтеру сынды ептілік пен ерік-күш сынға түскен сайыс түрлеріне кезек беріліп, жүлделі орын алған 26 адам арнайы марапаттар мен бағалы сыйлықтарға ие болды. Сонымен қатар осы іс-шараны ұйымдастыруға атсалысқан теміржолшыларға да ынталандыру сыйлықтары берілді.  

– Жарысқа біздің депоның жанжақтағы қосындарынан келген вагоншылар қатысып жатыр. Атап айтқанда, Нұрлы жол, Атбасар станцияларынан, бас парктен және басқа станцияларды қоса алғанда барлығы 5 техникалық қызмет көрсету қосынынан вагон қараушылар келді, олардың осындай жарыстарға қатысуда белсенділігі өте жоғары. Балғамен вагон доңғалақтарын күн сайын тексеріп жүрген қара күш иелерін спортпен біте қайнасқан десек болғандай, – дейді депо кәсіподағының төрағасы Ұбай Хафизұлы.  

Осындай жарыстарға белсенді қатысатын вагон қараушы Нұрмұхаммед Ниязбаев талай рет депоның намысын қорғап, спорттық жарыстардан жүлде алып жүр. Вагон шаруашылығы саласына келгеніне 2 жылдай болған ол жақында кір тасын көтеруден өткен жарыста үшінші орын алды. Бұл жолы да белсенді жігіт спорттық шараның бел ортасынан табылуда. Ал депоішілік жарыста кір тасын көтеруден бірінші орын алған вагон жөндеуші Таңат Ақылжанұлы теміржолда 18 жылдан бері еңбек етеді. Ол 24 және 16 келілік кір тасын көтеруден де, командамен арқан тартудан да жүлделі орыннан көрінді.  

– Кір тасын көтеруден бәрімізге 1 минут уақыт берілді. Соның ішінде кім көп көтерді, сол жеңімпаз болды. Мен 60 реттен аса көтердім. Бала кезден волейбол, ауыр атлетика жағына бейім болдым. Шаңғы тебуге де әуестігім бар. Жалпы, спорттың қай түрі болса да айналысқанға не жетсін, – дейді жеңімпаз Таңат.  

Асық атудан да кіл шеберлер жиналған екен, арқан тартудан білекті жігіттер қатарында жоғарыда аты аталған жеңімпаздар мұнда да көзге түсті. Жарыс соңы концерттік бағдарламаға ұласып, баршаға мерекелік көңіл күй сыйлады.

 

Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды
Жаңалықтар
01.04.2025
Асаның ақеділ азаматы еді
Жүк тасымалы
01.04.2025
Көмір тасымалы жалғасуда
ҚТЖ келбеті
01.04.2025
Техникалық білім мен тәжірибе қажет