Конституцияның 30 жылдығына орай «Қазкөліккәсіп» дартс турнирін ұйымдастырды
«Қазақстан теміржолшысы» газетінің тілшісі
Конституцияның 30 жылдығына орай «Қазкөліккәсіп» ҚБ Астана филиалының ұйымдастыруымен бірлестіктің белсенді қызметкерлері арасында дартс ойынынан жарыс өтті.
Атап айтқанда, жарыс ҚТЖ-ның еншілес ұйымдары бойынша кәсіподақ басшылары және компанияның БАҚ өкілдері арасында ұйымдастырылып, ерлер мен әйелдер бөлініп ойнады.
Іс-шараны сөз сөйлеп ашқан бірлестіктің төрағасы Оразғали Ахметбаев жарыс қатысушыларын алдағы ресми маңызды мерекемен құттықтап, ойында сәттілік тіледі. 4 кезеңнен тұрған ойынға «Қазкөліккәсіп» ҚБ Астана филиалы төрағасының орынбасары Әбүйір Жұмаев қазылық етті. Әр кезеңде қатысушылар 3 рет нысана көздеуге мүмкіндік алды.
Барлығы 12 адам қатысқан жарыста ерлер арасында бірінші орынды «Қазақстан теміржолшысы» газетінің орыс редакциясы тобының жетекшісі Руслан Рахметов иеленсе, әйелдер арасындағы ойында осы басылымның қазақ редакциясы тобының жетекшісі Сұлугүл Бакесова жеңімпаз болды. Сондай-ақ әйелдер арасында 2,3-орындарды компанияның Бас есептеу орталығы бойынша кәсіподақ төрайымы Гүлнар Омаржанова және «Қазақстан теміржолшысы» газетінің шолушысы Райхан Рахметова алды. Ерлер арасында 2,3-орындарды ҚТЖ Баспасөз қызметі медиа редакциясының операторы Есенаман Шамау және Астана электрмен жабдықтау дистанциясы бойынша Кәсіподақ ұйымының төрағасы Ержан Бейсенбаев иеленді. Іс-шара соңында барлық жүлдегерлер грамоталар және бағалы сыйлықтармен марапатталды.