Алаңда ардагерлер бақ сынады
«Қазақстан теміржолшысы» газетінің тілшісі
Тәуелсіздік күні құрметіне және келе жатқан Жаңа жыл қарсаңында ҚТЖ-да теміржол саласы ардагерлерінің арасында спорт фестивалі өтті. Спорттың 4 түрінен, яғни үстел теннисі, дартс, шахмат және дойбы ойнаудан өткен жарыстарға 50-ге жуық зейнеткер теміржолшы қатысты.
«ҚТЖ» ҰК» АҚ Әлеуметтік саясат департаменті ұйымдастырған фестиваль мерекелік көңіл-күйде өтіп, қатысушыларға арналып дастархан жайылды. Ең «жасы» 63-тен, ең үлкені 80-нен асқан сала ардагерлері жарыста барынша белсенділік танытты. Фестивальді ашқан департамент директоры Ақмарал Байғабылова барша қатысушыларды мерекемен құттықтап, ойын барысында сәттілік тіледі.
Фестиваль қорытындысында дартс бойынша әйелдер арасында 3-орынды Светлана Сайлаубаева, 2-орынды Гүлнар Сағанаева, 1-орынды Күләйша Қасенова иеленді. Дойбы бойынша 3-орын мен 2-орынды Сахип Абдрахманова мен Шахизада Даукенова өзара бөліссе, 1-орынды Дина Серікбаева еншіледі. Осы жарыстан ерлер арасында Василий Иванов, Қалидулла Закиров, Василий Меньшиков 1, 2, 3-орындарды алды. Сонымен қатар үстел теннисінен әйелдер арасында 3-орынды Людмила Красноштанова, 2-орынды Гүлнар Сағанаева, 1-орынды тағы да Күләйша Қасенова иеленді.
Бұл жарыста ерлер арасында Амангелді Шағыров, Александр Веселый, Рахат Узденов жүлдегерлер қатарынан көрінді. Дойбыдан ерлер арасында Қуаныш Котырев, Василий Иванов, Владимир Ульяненко жүлделі орындармен марапатталды. Осы ойында әйелдер арасында Дина Серкібаева, Шахизада Даукенова, Сахип Абдрахманова жүлдегер болды. Шахматтан 4-орын Әбу Алмазбекке, 3-орын Болатбек Дүйсемәлиевке, 2-орын Бекболат Махметовке, 1-орын Игорь Покладқа берілді.
Дартс бойынша әйелдер арасында 3-орын алған зейнеткер теміржолшы Светлана Сайлаубаева 23 жыл Магистральдық желі дирекциясы Адами ресурстарды басқару департаментінде менеджер болып істеген. Үш жыл бұрын зейнетке шыққан ол ҚТЖ тарапынан өткізілетін осындай іс-шараларға тұрақты қатысып жүргенін атап өтті. Барлық жүлдегерлер бағалы сыйлықтармен марапатталды. Фестиваль соңында әрбір ардагерге азық-түлік салынған себеттер тарту етілді.