Ақтөбеде бильярдтан үздік теміржолшылар анықталуда
Ақтөбе облысы бойынша меншікті тілші
Ақтөбеде теміржол саласының қызметкерлері бильярд үстелінде бақ сынауда. Турнирдің жартылай финалы аяқталып, финалға жолдама алғандар белгілі болды.
Жеті команда қатысқан турнирдің жартылай финалдық кезеңі аяқталды. Оның қорытындысы бойынша Жолаушы тасымалы Батыс филиалының қызметкері Аслан Айтимбетов бірінші орын алды. Екінші орынды РЦУП өкілі Амандық Ашаков иеленсе, үшінші орын ГВЦ қызметкері Талғат Төлебаевқа бұйырды.
Ұйымдастырушылардың айтуынша, финалда турнирдің абсолютті чемпионы анықталады. Қатысушылар дәлдік пен шеберлікті сынға салып, шешуші кездесуге дайындық жүргізіп жатыр.
– Теміржол саласында еңбек ету жауапкершілік пен төзімділікті талап етсе, спорттық додада да дәл осы қасиеттер жеңіске жетелейді. Бильярд – тек ойын емес, ол сабырлықтың, дәлдіктің және стратегиялық ойлаудың мектебі. Бүгін шеберліктерін көрсетіп қана қоймай, теміржолшыға тән табандылық пен жігердің үлгісін танытты. Алда – финал, – деді спорт нұсқаушысы Нұргүл Батырхан.