Марокко 168 пойыз сатып алуға тендр жариялады
Марокко ұлттық теміржол қоғамы (ONCF) жалпы сомасы 16 миллиард дирхамға (1,45 миллиард еуро) 168 пойыз сатып алу жөнінде тендер жариялады. Келісімшартқа 2024 жылдың 31 шілдесіне дейін қол қойылуы керек, ал пойыздарды жеткізу 2027 – 2030 жылдарға жоспарланған, деп хабарлайды Rail-news.kz.
Maghreb Intelligence мәліметі бойынша, расталған тапсырыс 132 пойыз, әрі қарай 36 пойыз қосылуы мүмкін. Құны 760 миллион еуроны құрайтын бірінші лотқа жоғары жылдамдықпен жүруге арналған 18 жүрдек пойыз және 40 алыс қашықтыққа 200 км/сағ жылдамдықпен жүретін пойыз кіреді.
Жалпы құны 690 миллион еуро болатын екінші лот Касабланка мен Рабатқа қатынайтын және мерзімі өткен пойыздарды алмастыратын 60 аймақаралық және 50 қала маңындағы пойыздарды қамтиды. Екі лот бойынша бір жеткізуші жеңімпаз ретінде таңдалуы мүмкін.
Жоғары жылдамдықты электр пойыздары қазір жүріп жүрген 12 пойызды толықтыру үшін алынбақ. Өйткені уақыт өткен сайын пойызбен қатынаушылар саны артып келеді.
EMU 2018 жылы ашылған және оның Марракешке дейін жалғасатын Африканың бірінші жоғары жылдамдықты желісіне өсіп келе жатқан сұранысты қанағаттандыру үшін Alstom компаниясының бар 12 екі қабатты TGV (жылдамдығы 320 км/сағ дейін есептелген) толықтыру үшін қажет.