Иран теміржол паркін жаңғыртып жатыр
2024 жылдың 5 ақпанында Тегеранда тағы 685 бірлік вагон Иран темір жолына (RAI) салтанатты түрде тапсырылды. Жылжымалы құрамның 645-і жүк вагоны, 10 жаңа және 5 жөндеуден өткен локомотив, оған қоса 2 жаңа және 23 модернизацияланған жолаушылар вагоны бар. Бұлардың жалпы құны 33,58 триллион ирандық риалды (шамамен 800 миллион АҚШ доллары) құрайды, деп хабарлайды Rail-news.kz.
Жылжымалы құрамды өндіру және жөндеу жұмыстарын жергілікті кәсіпорындар жүзеге асырған. Жалпы, Иран күнтізбесі бойынша 2024 жылдың 21 наурызында аяқталатын осы жыл ішінде Иранның теміржол паркі 1031 бірлік жылжымалы құраммен толығады. Бір жыл бұрын 428 бірлік алынған, ол шамамен 15 триллион ирандық риалды құрайды.
Темір жол құралдарының өзге көлік түрлерінен артықшылығы, яғни қауіпсіздік, энергия тиімділігі және қоршаған ортаны қорғау тұрғысынан алғанда Иран үкіметінің ұзақ мерзімді даму жоспарын жүзеге асырудағы негізгі бөлігі жылжымалы құрамды жаңарту болып табылады.