Әзірбайжан темір жолдары жазғы кестеге көшеді

AZCON Holding құрамына кіретін компаниялардың бірі – «Әзірбайжан темір жолдары» ЖАҚ Абшерон шеңберлі темір жол бағыты бойынша жүретін жолаушылар пойыздарын жазғы кестеге ауыстыруда, деп хабарлайды Rail-news.kz.

«Бұл шешімнің мақсаты – 2025/2026 оқу жылына дайындық жұмыстарын жүргізу, Абшерон шеңберлі темір жол желісіндегі инфрақұрылымды нығайту, қозғалыс қауіпсіздігін тұрақты қамтамасыз ету, сондай-ақ пойыздарда жөндеу жұмыстарын жүргізу», – делінген ӘТЖ баспасөз қызметінің хабарламасында.

Осыған байланысты 2025 жылғы 10 шілдеден бастап жұмыс күндері шеңберлі бағыттағы рейстер саны уақытша 10-ға дейін қысқарады.  

ӘТЖ өкілдерінің айтуынша, мұндай жөндеу және қайта құру жұмыстары желілерде үнемі жүргізіліп отырады және олардың басты мақсаты – жолаушыларды межелі жеріне қауіпсіз әрі жайлы жеткізуді қамтамасыз ету.