Иран мен Ауғанстан Хаф – Герат теміржол жобасын тез арада аяқтауға ниетті
Екі елдің делегациялары келіссөздер жүргізіп, нәтижесінде бірнеше келісімге қол жеткізілді, деп хабарлайды Rail-news.kz.
Аталған келісім бойынша Хаф – Герат теміржол желісін (225 км) толық іске қосу үшін Ауғанстандағы соңғы 147 шақырымдық бөліктің құрылысын жеделдетеді, Иран салып бітірген140 шақырымдық учаскедегі кемшіліктерді жояды, Ауғанстанға Парсы шығанағындағы порттарға қолжетімділік берілетін болды.
Сондай-ақ тараптар екі ел арасында жүк тасымалының артып келе жатқан әлеуетін атап өтті. Мәселен, екі ел арасындағы тасымал көлемі – жылына 3 млн тоннаға жетсе, Ауғанстан арқылы транзит – жылына 1,7 млн тонна болған.
Ауғанстаннан минералдық шикізат экспорттау екі ел үшін стратегиялық маңызға ие екені айтылды. Сонымен қатар саясаткерлер санкциялық шектеулерді айналып өтетін балама бағыт құру қажеттігін мәлімдеді. Бұл бағыт Ирандағы Чабахар портымен байланыса отырып, Оман шығанағына шығуға мүмкіндік береді.
Чабахар – Захедан теміржолының 2025 жылы аяқталуы жоспарланған. Ал Захедан – Милак (Ауғанстанмен шекарадағы) учаскесі әзірге қаржыландыруды күтуде.
Жоба саяси қиындықтарға қарамастан өңірлік интеграцияны күшейтеді деп күтілуде.