Жүк тасымалының тиімділігін арттыру нәтижесі

Жүк тасымалы
29.07.2022, 10:11
Сұлугүл Бакесова

«Қазақстан темір жолшысы» газетінің тілшісі

Негізгі табыс көзін жүк тасымалы құрайтын теміржол көлігінде сауатты менеджмент үлкен рөл атқарады. «ҚТЖ-Жүк тасымалы» ЖШС биыл локомотив жұмысының өнімділігін және жүк тасымалының тиімділігін арттыру бағытында бірқатар оңды шаралар қабылдаған болатын. Нәтижесі қандай?

Айталық, жүк тасымалы тиімділігін арттыру бағытында жалпы жүк тиелімінің 70% қамтитын ірі клиенттермен жұмыс жүргізіліп, оның барысында туындаған мәселені өтініш жасау – қарау – әрекет ету принципі бойынша 3 күн ішінде шешу қарастырылған. Нәтижесінде, шұғыл мәселелердің шешімі жүйеленіп, клиенттер тарапынан талап-шағым айтарлықтай азайған.

Екінші бір шара, көрші жолдардың жүктерді нақты қабылдауына байланысты тасымалдарды нақты жоспарлауға бағытталған. Соның арқасында, өткен жылға қарағанда қозғалыстан қалып қойған пойыздардың бос тұру уақытын 47%-ға немесе 40 млн вагон-сағатқа азайтуға қол жеткізілген. Бұл өз кезегінде, вагонның орташа тәуліктік өнімділігінің көрсеткішін 6,1%-ға арттыруға мүмкіндік беріп отыр.

Локомотив өнімділігін арттыру да жүк тасымалын ұйымдастырушы кәсіпорын үшін күн тәртібіндегі маңызды мәселе. Бұл бағытта бірінші болып ауырсалмақты пойыздар санын өткен жылға қарағанда 20% немесе 9 мың пойызға арттыру қолға алынған. Атап өтерлігі, бұл шара нормадан тыс 41 млн тоннадан артық жүкті тасымалдауға мүмкіндік беріпті.

Келесі қабылданған шара – жылу тартқышпен жүретін 330 пойызды электр тартымы бағдарларына қайта бағыттау. Бұл тәулігіне орта есеппен 6,2 бірлік локомотивті үнемдеуге, локомотивтердің жеке жүрісін 235,9 мың километрге азайтуға және орташа өзіндік құнды 28%-ға төмендетуге мүмкіндік берген. Өйткені, электр тартқыштың өзіндік құны жылу тартымына қарағанда 2,3 есе төмен.

Сонымен қатар локомотивтер мен локомотив бригадаларының қызмет көрсету иіндерін ұзарту есебінен де локомотивтерді үнемдеуге қол жеткізілген. Биылғы жылдың алты айында өткен жылға қарағанда локомотивтердің тіркеу станцияларында тұрып қалуының 6,6%-ға, айналым станцияларында 2,6%-ға және бригадаларды ауыстыру станцияларында 3,2%-ға төмендеуі де тартымдық қызмет көрсетуші техниканың өнімділігін арттыра түскен. Қорыта айтқанда, тасымал тиімділігін арттыру бағытында қабылданған шаралар өз нәтижесін беруде.

Спорт
10.08.2022
Шеберлік сынға түсті
Аймақтар
10.08.2022
Құрметті теміржолшыға мекеме ғимаратында ескерткіш тақта орнатты
Әлеумет
10.08.2022
Қандыағаш станциясында «Өнерлі теміржолшы» байқауы өтті
Жаңалықтар
10.08.2022
Қоғамдық бақылау қажет
Әлеумет
09.08.2022
Жергілікті жобаларға басымдық беріледі
Сұхбат
09.08.2022
«Қиындығын емес, қызықты сәттерін есте сақтаймын...»
Аймақтар
09.08.2022
Үздіктерді үлгі етті
Аймақтар
09.08.2022
Достық станциясының теміржолшыларын құттықтады
Аймақтар
09.08.2022
Түбек теміржолшыларына құрмет
Аймақтар
09.08.2022
Семейде майталман теміржолшылар марапатқа кенелді
Аймақтар
09.08.2022
Адал еңбекке алғыс
Жаңалықтар
09.08.2022
Ел экономикасының локомотиві
Жаңалықтар
09.08.2022
Мәртебелі марапат иелері
Аймақтар
09.08.2022
Атыраулықтар теміржолшылар кәсіби мерекесін биыл да ерекше ықыласпен қарсы алды
Жаңалықтар
09.08.2022
«Жәрдем» және «Саламатты Қазақстан» медпойыздары 60 мың адамды қамтымақ
Инфрақұрылым
09.08.2022
Бейнеуден Тассайға дейін
Жаңалықтар
09.08.2022
Көпшілік назарына ұсынылды
ҚТЖ келбеті
09.08.2022
Қашағанға қызмет көрсетеді
Жаңалықтар
09.08.2022
Тасымалға тапсырыс артқан
Жүк тасымалы
09.08.2022
Транзит: контейнерлік пойыз өтті