Атыраулықтар су тасқынына қарсы шараларды күшейтті

Инфрақұрылым
08.04.2022, 10:33
Қосуйым Мұқашев

Атырау облысы бойынша меншікті тілшісі

Биылғы жылы батыс өңірлерде елді мекендерді су басу жағдайы жиі болып жатыр. Мамандардың айтуынша, бүгінгі таңда Атырау облысы аумағында су деңгейі тұрақты. Дегенмен, Орынбор облысындағы Ириклинск және Волгоград су қоймаларынан судың көп келуіне, сондай-ақ, ағын сулардың көбеюіне байланысты тасқын қаупі жоқ емес.

Әсіресе Ресеймен шектес Қиғаш өзенінен қауіп бар. Жауған қар көлемі жылдағыдан көп болмағанымен, су Ресейден ағыспен келіп жатыр. Атырау облысы аумағынан Жайық өзені өтеді, сондай-ақ Қиғаштан басқа Жем, Сағыз, Ойыл өзендерінің де тасуы мүмкін жағдай, Каспий теңізі де бүйірде тиіп тұр.

Биыл Сағыз ауылына да ағын су көп келді. Ақтөбе облысының Байғанин ауданымен шектесетін Ноғайты өзені тасып, жылысып, Сағыз өзеніне дейін жетіпті. Ауыл тұрғындары уақытша көшіріліп, абырой болғанда су тез қайтып, келесі күні үйлеріне оралған. Ақтөбе-Атырау-Астрахань тас жолын да су басып, көпірді шайып кеткендіктен жол қатынасы уақытша тоқтаған.

Атырау жүк тасымалы бөлімшесінің қауіпсіздік инженері Фарида Қазжанованың айтуынша, темір жолға тікелей төнген қауіп жоқ, бірақ сақтық шаралары қолға алынып отыр. Атырау магистральдық желі бөлімшесі өндірістік-техникалық бөлімінің маманы Әйгерім Қайрболатованың мәліметінше, 2022 жылғы көктемгі су тасқыны, сең, өр, жаңбыр сулары ағысы кезінде жолдың, жол төсемінің және жасанды құрылыстардың сақталуы мен тұрақты жұмыс істеуі алдын ала жоспарлы-ұйымдастыру іс-шаралары деңгейінде орындалуда. Облыс аймағындағы темір жол торабы бойынша негізгі жолдың ұзындығы – 555,8 шақырым. Бөлімшенің қызмет көрсету учаскесінде 56 көпір, 204 темірбетонды су құбырлары бар.

Бүгінде бөлімше бойынша сақтық шаралары алынып, су тасқыны орын алған жағдайда Атырау темір жолы бойынша 2 пойыз құрамы, 7 вагон жасақталған. Оның ішінде Атырау жол дистанциясы бойынша 3 вагон, Құлсары дистанциясы бойынша 4 вагон. Соған сәйкес, шебін, құм, тағысын тағы су жолына бөгесін болатын құрал-жабдықтар тиелген 3 вагон Ганюшкино станциясына, 4 вагон Құлсары станциясына қойылған.

Мамандардың пікірінше, соңғы жылдары Жайық өзенінің деңгейі төмен. Биылғы жылы да су көп келе қоймайды деген болжам бар. Бірақ, Атырау облысында 2015, 2016 жылдары екі жыл қатарынан апталап жауған нөсер жауыннан мыңдаған үйлер, авто, темір жолдар суға кетіп, жергілікті халық қатты зардап шеккен. Биыл Атырауда қар көлемі әдеттегі мөлшерден аспады. Ал Жайық өзенінің бастауында, Батыс   Қазақстан, Ақтөбе облыстары аумағында керісінше қардың көлемі жылдағыдан көп болды. Сондықтан, көктемгі су тасқыны аймаққа еш зиянын салмай өте шығады деп болжам жасауға болмайды. Жоғарыда айтқан Ноғайты, Әсіресе, Құрманғазы, Исатай ауданында да қауіп бар. Өйткені су бөгеттері – дамбалардың соңғысы 1994 жылдары салынған. Ал аталған аудандарда Исатай, Аққыстау, Бекбике, Д.Нұрпейісова, Ганюшкино, Ақсарай, т.б. станция-разъездер бар. Шапқан аттан озып кететін су тасқыны келер болса, ол бекеттерге сөзсіз қауіп туады.

– Қазірде жол дистанцияларының жауапкершілігіндегі жасанды құрылыс кешендері, көпірлер, темірбетонды тұрбалар, кюветтік су ағыны жыралары қардан, қоқыстан тазартылып, күнделікті күтіп-ұстау, жөндеу жұмыстары жүріп жатыр. Су тасқыны кезінде шайып кету қаупі бар көпірлер мен тұрбалар күнделікті диспетчерлік бақылауға алынған. Жалпы алғанда магистральдық желілер жұмысы қалыпты, жасанды инженерлік құрылыстар су өткізуге дайын, – дейді Ә.Қайрболатова.
Әлеумет
24.06.2022
Қызылордада теміржолшылардың 75 баласы лагерге аттанды
Әлеумет
24.06.2022
Ақтөбеде теміржолшылардың балалары қауіпсіздік туралы сурет салудан бақ сынады
Аймақтар
24.06.2022
Сай-Өтесте полицейлер мен теміржолшылар қылмысқа бірлесе қарсы тұруға уағдаласты
Жаңалықтар
24.06.2022
Семейде рационализаторлық қызметке арналған тренинг өтті
Аймақтар
24.06.2022
Ақтөбелік электрик жасаған трасформаторларды қозғау құралы кеңінен қолданыста
Инфрақұрылым
24.06.2022
Белкөлде бағыттамалық бұрмалар қалпына келтіріліп жатыр
Аймақтар
24.06.2022
Атырауда мұнай экспортының бәсеңдеуі тасымал қарқынына әсер етті
Жаңалықтар
24.06.2022
«ҚТЖ 100 жаңа есім» жобасының қатысушылары астанада бас қосты
Жаңалықтар
24.06.2022
Литва делегациясы еліміздегі құрлық портының жұмысымен танысты
Жолаушылар тасымалы
24.06.2022
Дисконттық карталардың жолаушылар үшін тиімділігі зор
Мұрағат
24.06.2022
«Қазақстан теміржолшысы» газеті, №47 24 маусым 2022 жыл
Жаңалықтар
22.06.2022
Ақтауда пойыыздағы жолаушының жоғалған заты табылды
Спорт
22.06.2022
Nur-Sultan Half Marathon: астанада 24 теміржолшы марафонға қатысты
Жаңалықтар
21.06.2022
Ақтөбедегі өрт сөндірушілер қатерлі мезгілде қырағылықты күшейтті
Жаңалықтар
21.06.2022
Нұрлы жол вокзалында есірткіге қарсы акция ұйымдастырылды
Жаңалықтар
21.06.2022
Атырау машинистері отын үндемдеу тәсілдерін үйренуге кірісті
Инфрақұрылым
21.06.2022
Төретам менДиірментөбе станциялары арасындағы телімдерде реле ауыстырылып жатыр
Аймақтар
21.06.2022
Семейде теміржол тұйықтарын салу өзекті мәселе
Мұрағат
21.06.2022
«Қазақстан теміржолшысы» газеті, №46 21 маусым 2022 жыл
Жүк тасымалы
20.06.2022
Қазақстан мен Ресей арасында жүк пойыздары штаттық режимде жүріп жатыр