2029 жылға дейін 11 мың шақырым жол жөнделеді

Инфрақұрылым
09.01.2024, 10:17
Райхан Рахметова

«Қазақстан теміржолшысы» газетінің тілшісі

Былтыр «ҚТЖ» ҰК» АҚ «Магистральдық желі дирекциясы» филиалында 7 стратегиялық бастама іске асырыла бастады. Атап айтсақ, қолданыстағы теміржол инфрақұрылымының өткізу қабілетін 2030 жылға дейін арттыру бағдарламасы, 2029 жылға дейін 11 мың шақырым жолды жөндеу бойынша өндірістік бағдарлама, жол және қалпына келтіру жұмыстары үшін заманауи техника сатып алу бағдарламасы, қазақстандық институттың қатысуымен дирекцияны дамыту бағдарламасы, санитарлық-тұрмыстық жағдайды жақсарту бағдарламасы және ғимараттарды жөндеу жөніндегі бағдарлама.

Қолданыстағы теміржол инфрақұрылымының өткізу қабілетін 2030 жылға дейін арттыру бағдарламасы арқылы теміржол станциясын дамыту, 2814 км автоматты бұғаттау, 338 км қосалқы және айналма өтпе жолын іске қосу жоспарланған. Станцияларды дамытуға ірі жүк жөнелтушілердің жеке инвестициялары тартылды. «ТрансКом» ЖШС-мен бірлесіп, Ақсу-1 станциясын дамытудың бірінші кезеңі аяқталып, екінші кезеңі бойынша жұмыс жалғасын табуда. Сонымен қатар «Шұбаркөл көмір» АҚ инвестициясын тарта отырып, Жарық – Жезқазған учаскесін дамытуға жобалық-сметалық құжаттама әзірленіп, Қызылжар станциясында жер төсемін тегістеп жол төсеу жұмыстары атқарылды. Қостанай станциясының солтүстік паркінің 7 жолы теміржолшылардың өз күшімен қалпына келтірілді. Осы станцияда биыл жолды ұзарту және сұрыптау паркін автоматтандыру жоспарда бар.  

Ал 2029 жылға дейін 1,4 трлн теңге сомасына 11 мың шақырым теміржол учаскесін жөндеу бойынша өндірістік бағдарламаға сәйкес 2023 жылы жоспардағы міндеттер 103% орындалды. Бұл ұзақмерзімді бағдарламаны жүзеге асыру үшін еңбек өнімділігін арттыру шаралары қолданылуда. Теміржолдағы маневрлік және қосалқы жұмыстар үшін 4 тиеу көліктік мотовозы сатып алынды. Олар кран қондырғысымен, 10 және 22 адамдық кабиналармен жасақталған. Қол еңбегінің үлесін азайту және өндірістік процесті жеңілдету мақсатында шағын механика құралдары да алынды.  

Жол және қалпына келтіру жұмыстары үшін заманауи техника сатып алу бағдарламасы бойынша Қарағанды және Қызылорда бөлімшелеріне 2 мотовоз жеткізілді. Жыл соңына дейін Алматы және Жамбыл бөлімшелеріне де 2 мотовоз алынбақ. Қазақстандық институттардың қатысуымен «Магистральдық теміржол желісін дамыту» бағдарламасына сәйкес қолданыстағы инфрақұрылымды жетілдіру арқылы бірінші кезекте транзиттік бағыттарда өткізу қабілетінің резерві қамтамасыз етіледі.  

Өндірістік бағдарламаларды іске асырудан басқа қызметкерлердің санитарлық-тұрмыстық жағдайын жақсартуға ерекше көңіл бөлінеді. 2023 жылғы сәуірде бекітілген Санитарлық-тұрмыстық жағдайды жақсарту, еңбекті ұйымдастыруды арттыру бағдарламасы шеңберінде жол шаруашылығы қызметкерлерінің демалып алуына арналған жылыну бекеттері ретінде 1 224 контейнер қайта жасақталды. Шалғай учаскелерде жұмыс істейтін ПЧ, ШЧ мекемелері жұмысшыларына арнап 132 модульді ғимарат сатып алынды, олар жиһаздармен, тұрмыстық техникамен, душ кабиналарымен және теміржолшылардың қолайсыз климаттық жағдайда да жайлы жұмыс істеуі үшін қажетті басқа да заттармен қамтамасыз етіліп, барлық инженерлік ғимаратқа инженерлік коммуникация қосылды. Тозығы жеткен ЭЦ-лар мобильді ғимараттарға көшірілді.  

Жол, сигнализация және байланыс, электрмен жабдықтау дистанцияларының жұмысшылары мен саймандарын жұмыс орнына ары-бері тасымалдау үшін заманауи модификациялы және жайлы автомобиль көлігін жеткізуге қайтадан келісімшарттар жасалды. 384 автомобиль көлігін алу көзделіп отыр, олар желілік бөлімшелерге бөлініп, таратылады. Еңбекте жайлы жағдай жасау үшін тұрмыстық және өндірістік үй-жайлар тұрмыстық техникамен жарақталып, жаңа жиһаз кіргізілді. 2023 жылы ғимаратты жөндеу бағдарламасын іске асыру шегінде «Теміржолсу» АҚ-мен арада өндірістік және әкімшілік тұрмыстық ғимаратты ағымдағы жөндеуге келісімшарттар жасалды. Өндірістік ғимараттарды күрделі жөндеу бағдарламасына сәйкес 2024 жылы 2 ғимаратты күрделі жөндеу жоспарлануда. Барлық кәсіпорындарға бірыңғай форматтағы маңдайшалар орнатылған.  

Компания 2024 жылды еңбек қорғау және пойыздардың қозғалыс қауіпсіздігі деңгейін арттыру үшін технологиялық процестерді сақтау жылы деп жариялады. Бұл пойыздардың қозғалыс қауіпсіздігін қамтамасыз етуге, технологиялық процестерді, апат болмайтын жұмысты қалыптастыруға, жолдар мен құрылыстардың ақауын дер кезінде және сапалы түзетуге мүмкіндік береді.

 

Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды
Жаңалықтар
15.04.2024
Су басқан аймаққа Түркістан өңіріндегі теміржолшылар да атсалысуда
Аймақтар
15.04.2024
Талас станциясынан 24 арнайы ауыр техника тиеген құрам жолға шықты
Жаңалықтар
15.04.2024
Су тасқыны кезінде 21 мыңға жуық адам ҚТЖ пойыздарымен тасымалданды
Аймақтар
15.04.2024
Ақтөбеге ауыр техникалар келді
Аймақтар
15.04.2024
Қызылордадан БҚО-ға жүк пойыздарына тиелген 106 арнайы техника жөнелтілді
Аймақтар
15.04.2024
Атыраулық теміржолшылар су тасқынына қарсы жұмыстарға атсалысып жатыр
Жаңалықтар
13.04.2024
Қазақстан теміржолшылары жаппай сенбілік өткізді
Жаңалықтар
13.04.2024
Ұлттық тасымалдаушы тағы үш қосымша пойыз тағайындайды
Жаңалықтар
13.04.2024
ҚТЖ пойыз билеттерінің құнын бұрынғы деңгейде сақтайды
Аймақтар
12.04.2024
Маңғыстау станциясынан Атырауға техника, құрал-жабдықтар жөнелтілуде
Жаңалықтар
12.04.2024
Су тасқыны: техникалар ҚТЖ пойыздарымен тасымалданды
Қауіпсіздік
12.04.2024
Жол бойындағы төрт түлік жолаушылардың өміріне қауіп төндіріп тұр
Темір жол тарихы
12.04.2024
Қазақ темір жолының 120 жылдығына орай көрме өтті
Жүк тасымалы
12.04.2024
Жүктерді темір жол көлігімен тасымалдау бірінші тоқсанда 2,4% өсті
Жаңалықтар / Мұрағат
12.04.2024
«Қазақстан теміржолшысы» газеті, №32 12 сәуір 2024 жыл
Қауіпсіздік
12.04.2024
Темір жолды белгіленбеген жерден кесіп өткен 11 мыңнан астам азамат әкімшілік жауапкершілікке тартылды
Аймақтар
12.04.2024
Атырауда методикалық сабақ өтті
Жаңалықтар
12.04.2024
Вокзал маңы абаттандырылады