ҚТЖ-да өндірістік қауіпсіздік және қоршаған ортаны қорғау бойынша IV Форум өтті
Корреспондент газеты «Қазақстан теміржолшысы»
Қауіпсіз еңбекті насихаттау, нөлдік жарақаттану тұжырымдамасын ілгерілету және экологиялық жауапкершілікті арттыру мақсатындағы маңызды іс – шараны бірлесе ұйымдастырушы Samruk Business Academy болды. Қазіргі форумның ұраны: «Тиімді менеджмент – алдын алу шараларының тиімділігі», деп хабарлайды Rail-news.kz.
Іс-шара офлайн және онлайн форматта өтті. YouTube-тегі Онлайн-таратылым 1400-ден астам аудиторияны жинады.
Форумды «ҚТЖ» ҰК» АҚ Басқарма Төрағасы Нұрлан Сауранбаев құттықтау сөзбен ашты. Ол қызметкерлердің қауіпсіздігі – компанияның нөмірі бірінші басымдықты міндеті екенін атап көрсетті.
- Өткен жылы мен компанияның әрбір қызметкеріне арналған жеке үндеуге қол қойып, онда қызметкерге теріс салдар болмас үшін олардың қауіпті жұмыстарды тоқтата тұру немесе тоқтату құқығын растадым. Әр қызметкерді! 2021 жылы жұмысшылар 600 жағдайда өміріне және денсаулығына қауіп төндіретін жұмыстарды тоқтата тұру құқығын пайдаланды. Биыл қызметкерлер бұл құқықты 597 рет пайдаланды. Жалпы өткен жылғы 25000 қауіпті жағдайлар мен іс-әрекеттер бедерінде биыл барлығы 22000 астам қауіпті жағдайлар анықталды», - деді ол.
Сондай-ақ, Нұрлан Сауранбаев нөлдік жарақаттану – бұл қол жеткізуге болатын мақсат екенін атады. Компания құрылымында ұзақ уақыт бойы жарақаттанудың бір де бір жағдайы жоқ өндірістік бөлімшелер – Ақжайық белгі беру және байланыс дистанциясы, Сексеуіл локомотив пайдалану депосы, Қазалы энергиямен жабдықтау дистанциясы 30 жылдан астам жарақатсыз жұмыс істейді.
«Самұрық-Қазына» АҚ Басқарма Төрағасының атынан «Самұрық-Қазына» АҚ-ның қоғаммен байланыс, әлеуметтік-еңбек қатынастары және еңбекті қорғау жөніндегі басқарушы директоры Гибрат Ауғанов құттықтау сөз сөйледі. Ол 2022 жыл Қор тобында қауіпсіздік жылы болып жарияланғанын және осы бағыт дамуына жаңа серпін бергенін алға тартты. Ағымдағы жылдың жазында Қордың барлық ірі портфельдік компанияларының, соның ішінде ҚТЖ басшылары өз қызметкерлерінің қауіпсіздігін қамтамасыз ету бойынша жеке міндеттемелерге қол қойды. Ал болат магистраль еліміздің ең ірі жұмыс берушісі бола отырып, Қазақстанның барлық өңірлерінде қауіпсіздік мәдениетін дамытудың локомотиві болуға тиіс.
Өз сөздерінде «ҚТЖ» ҰК» АҚ бөлімшелерінің өкілдері, сондай-ақ компания әріптестері ТЖХС (H&S халықаралық стандарттары), ССГПО (БиОТ қамтамасыз етудегі техникалық сертификат), Латвия темір жолы (теміржол инфрақұрылымы мен вокзалдардың барлық объектілерінде бейнебақылау желісі базасындағы қауіпсіздік жүйесі туралы) саласындағы табысты кейстермен бөлісті. Шақырылған сарапшылар қатарында «Самұрық-Қазына» компанияларынан әріптестері де болды. Сонымен, «Қазатомөнеркәсіп» ҰАК» АҚ-да HSE халықаралық стандарттары саласындағы коммуникациялар туралы Өндірістік қауіпсіздік жөніндегі басқарушы директор Манас Ысқақов айтып берді.
Спикерлер сөз сөйлегеннен кейін «7 алтын ереже - алдын алу шараларының нәтижелілігінің негізі» тақырыбында панельдік пікірталас болып өтті. Көптеген жылдар бойы ҚТЖ-да қауіпсіз өндірістің құндылықтары мен тәсілдерін ілгерілетуге күш-жігер мен ресурстар салынып жатқаны, ал осы жылдың тамыз айында Қазақстанның 100000 астам теміржолшысы пайдаланатын «Өндірістік қауіпсіздік» Интеграцияланған жүйесі» (ӨК ИЖ) мобильді қосымшасы Кәсіби тәуекелдердің алдын алу жөніндегі халықаралық қор (ORP) Дүниежүзілік саммитіне қатысушыларының шынайы қызығушылығын тудырғаны атап өтілді.
Форум жұмысын аяқтай отырып, «ҚТЖ» ҰК» АҚ Директорлар кеңесінің төрағасы Юрий Лавриненко іс-шараның барлық қатысушыларына алғысын білдіріп, еңбекті қорғау және өндірістік қауіпсіздік талаптары лауазымына қарамастан барлық деңгейде сақталуы тиіс екенін жеткізді.