Нұра станциясының бүгінгі тынысы

Жаңалықтар
13.01.2023, 09:56
Суретті түсірген автор
Райхан Рахметова

«Қазақстан теміржолшысы» газетінің тілшісі

Қарағанды ЖТ бөлімшесіне қарасты бірінші класты Нұра станциясының негізгі жүгі – көмір тасымалы. Станциядағы «Kazakhmys Coal» ЖШС-не қарасты кіреберіс жолда қатты отын тиеу жұмыстары тынымсыз жүргізіледі. Әсіресе, бүгінгідей суық та аязды күндері көмір тасымалына сұраныс арта түскен.

Осы станцияны 2021 жылдан бері басқарып келе жатқан Мәди Әбен – «ҚТЖ 100 жас есім» жобасының қатысушысы, болашағынан үміт күттіретін жастың бірі. Нұраның бүгінгі жағдайы туралы баяндаған станция бастығының айтуынша, мұнда теміржолшылардың қалыптасқан мектебі бар. Себебі, осы кәсіпті ұрпақтан ұрпаққа жалғастырып келе жатқан еңбек әулеттері көп. Соның нәтижесі болар, әркім өз жұмысын жақсы меңгерген. Станцияда транзиттік пойыздарды қабылдап, қайта жөнелту, маневрлік жұмыстар мен жүк және коммерциялық операцияларды жүзеге асыру жұмыстары жақсы жолға қойылған.  

– Көмірдің орташа тәуліктік тиелімі 350-400 вагонды құрайды. Қарағанды-Сұрыптау, Топар, Жаңаауыл, Балқаш, Жезқазған, Сәтпаев және тағы басқа ЖЭО-ларды көмірмен қамтамасыз етеміз. Тіпті көмір Челябинскіге де жөнелтіледі. Одан бөлек тәулігіне өзімізде құрастырылатын пойыздарды қоспағанда 40-50 жүк және 10 шақты жолаушы пойыздары станциядан өтеді. Себебі Нұра станциясы Астана мен Қарағандының аралығында жатқан, күре жолдың бойында орналасқандықтан транзит жүк көп, – дейді станция бастығы.  

Станцияда бүгінде 37 адам еңбек етеді, оның бесеуі – станция кезекшісі болса, төртеуі – парк кезекшісі, 5 пойыз құрастырушы, тағы 5 адам тасымал құжаттарын реттейтін оператор болса, 5 тауар кассирі, 9 жүк қабылдап-жөнелтуші бар. Инженер-технолог, станция бастығының екі орынбасары бар, нұралық теміржолшылар бөлімшенің табысын арттыруға өз үлестерін қосып келеді. Станция кезекшілері пойыздарды орталықтандырылған басқару жүйесі арқылы жұмыс істейді.  

Айта кетсек, Нұра станциясы 1931 жылы Ақмола – Қарағанды теміржолы салынған кезде Орталық Қазақстанның байлығын игеру мақсатында логистиканы дамыту қажеттілігіне қарай құрылған. Кезінде мұнда Қазақстанға жер аударылған өзге ұлт өкілдері көп шоғырланған. Мәселен, 1941 жылы үш мыңнан аса немістер қоныс аударып, кешеге дейін станцияда еңбек еткен олардың ұрпақтары әлі күнге бар. Осындай тарихи мекенде тұратын станция халқының негізгі жұмыс көзі – көмір кені мен теміржол.  

 

Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ
Сұхбат
19.07.2024
Барлық сын-тегеурінге төтеп бердік
Инфрақұрылым
19.07.2024
11 мың шақырым теміржол жөндеуден өтеді
Жаңалықтар / Мұрағат
19.07.2024
«Қазақстан теміржолшысы» газеті, №59 19 шілде 2024 жыл