Пойыз вагондарын автоматпен жуатын жалғыз кешен Алматыда орналасқан (Фото)

Суреттерді түсірген Сара Сахынбек
Райхан Рахметова

«Қазақстан теміржолшысы» газетінің тілшісі

Темір жолда жолаушылар вагондарын әр рейске дайындар алдында қозғалыс қауіпсіздігін қамтамасыз ету үшін техникалық қызмет көрсетіледі. Жылжымалы құрамға ТО-1, ТО-2, ТО-3 сервистік қызметтерін көрсететін Алматыдағы «Вагонсервис» АҚ – Оңтүстік филиалының жұмысымен танысып қайттық.  

«Вагонсервис» АҚ-ның Қазақстандағы басқа филиалдарынан ерекшелігі – мұнда вагон жуу кешені бар.  2011 жылы пайдалануға берілген кешен жұмысы вагон ішіне кірген сәтте арнайы оператордың бақылауымен автоматты түрде іске қосылады. Аталған филиал директорының міндетін атқарушы Нұрғазы Мұсагитов бізді кешеннің жұмыс процесімен таныстырды.  

 – Жылжымалы құрам бізге келісімен вагон қараушылар оны қарап, доңғалақ жұптарын, тележкасы мен тежегіш құралдарына, жалпы техникалық жағдайына тексеріс жүргізеді. Сосын барып вагондар жуу кешенінен кіргізіледі. Маневрлік тепловозбен кешенге вагондар ақырындап кіргізіле бастағанда тазалау жұмысын бастап кетеді. Алдымен вагон сыртына жуғыш ерітінді шашылады да артынан су төгіледі. Сосын арнайы щеткалар жұмысын бастайды. Кірден тазартылған соң  вагондар шайылады және кептіріледі. Соның бәрі кешеннің ішінде атқарылады. Осылайша әр вагонды жууға 1 минут уақыт кетсе, 18 вагондық бір жылжымалы құрамды жуып шығуға 18 минут жұмсалады, – дейді ол.  

Айына орташа 2500-3000 вагон жуылады. Биыл олар эксперимент ретінде Тальго вагондарын жуу бойынша ұсыныстар берді. Бір айта кетерлігі, кешенде вагондарды жуған су арнайы су тазарту құрылғылары арқылы тазартылып, қайтадан жууға пайдаланылады, яғни кешенде вагон жууға су шығыны жоқ, – деді  кәсіпорын басшысы.

Бізге белгілі болғаны, вагондарды жуу кешені бүкіл Қазақстанда тек осында, Алматы филиалында ғана бар екен, өзге филиалдарда жұмыстарын мекеме қызметкерлері өздері қолмен атқарады.    

Одан әрі вагондарға түрлі қызметтер көрсету жұмыстары туралы филиал директорының операциялық мәселелер жөніндегі орынбасары Нұрболат Батырбеков айтып берді.  

 – Филиал ТО-1, ТО-2, ТО-3 қызметтерін көрсетеді, одан бөлек су, көмір жеткізу қызметі бар. Күн сайын тақ күндері 3-4, жұп күндері 5-6 құрам келеді. ТО1 бойынша рейстерге кетер алдында вагондарға күн сайынғы тексеру жүргізіледі. Атап айтқанда, жүріс және тежегіш бөлігінің, автотізбек құрылғыларының, электр жабдықтарының жарамдылығын қамтамасыз ету, жылу, сумен қамту жүйелерінің жұмысын бақылаймыз. Жазғы уақытта ауа желдеткіш жүйелері жөнделеді. ТО2 бойынша вагондар қыс пен жазғы уақытта жұмыс істеуге дайындалады. Қысқа дайындау уақыты 1 қарашаға дейін аяқталса, жазға дайындау 25 мамырда бітеді. Қазіргі таңда бізде қысқы маусымға вагондарды дайындау жұмыстары аяқталды. Біз биыл 244 вагонды ТО2 бойынша дайындадық. Ең ауқымды жұмыстар осы қызмет түрі бойынша жүргізіледі. Ауа желдеткіш жүйесін жаңарту, терезелер мен есіктерін суық өтпейтіндей арнайы ленталармен, силиконмен бекіту, вагондардың ішкі эстетикалық келбетін реттеу, шанақтарын, жүру бөлігін, санитарлық тораптарын, жылу беру жүйелерін тазалау, сүрту және тағы да басқа орасан зор жұмыстар атқарылады. Ал ТО3 бойынша вагондар 6 айда бір рет, жаңа вагондар 1 жылда бір рет қаралып, тексеріліп, жөнделеді, бұл қызмет арқылы 66 вагон жөндеуден өтті, – дейді Н. Батырбеков.  

Алматы филиалының бас ғимараты жанында 8 өндірістік цех жұмыс істейді. Атап айтқанда, ішкі жабдықтау, электрмен жабдықтау, ауа желдеткіш жүйесі, автобақылау қосыны, стабилизаторлық, механиктер цехтары бар. 

 – Вагоннан шешілген тежегіш құралдары осы жерге келіп түседі. Оларды тазартамыз, толық бөлшектеп ажыратамыз, қайта жинаймыз, бәрін реттеп болғаннан кейін тексеріп, пайдалануға береміз. Тәжірибелі 13 адам – жөндеу жөніндегі слесарлар жұмыс істейді. Күніне 8 жинақ, 16-17 тежегіш құралдарын жөндейміз, – дейді вагон тежегіштерін жөндеу цехының шебері Тағай Қалқожаев.  

Филиалдың бас инженері Медет Пірімбетовтің айтуынша, биыл мекеме жұмысшыларының еңбек жағдайын жақсарту мақсатында жаңадан автокөлік құралдары, технологиялық жабдықтар мен стенділер алынған. Филиалда шамамен 700-дей адам еңбек етеді, әр ауысымда 270 адам жұмысқа шығады. Филиалдың Өскемен, Семей, Достық, Шу, Ақтоғай станцияларында желілік телімдері бар.

Әлемде
18.06.2024
Мамырда Қытай-Еуропа бағытындағы жүк пойыздар рекордтық көрсеткішке жетті
Инфрақұрылым
18.06.2024
Шымкенттің вокзалы жаңа келбетке ие болды
Жолаушылар тасымалы
18.06.2024
Елдің батысына су жаңа вагонмен қамтылған пойыздар жүре бастады
Жаңалықтар
18.06.2024
Теміржолда киіктердің қоныс аудару жолдарын қамтамасыз ету жұмыстары жүргізілуде
Жаңалықтар / Мұрағат
18.06.2024
«Қазақстан теміржолшысы» газеті, №51 18 маусым 2024 жыл
Әлемде
17.06.2024
Үндістанда екі пойыз соқтығысып, 15 адам қаза тапты
Жаңалықтар
17.06.2024
Қазақстанның екі қаласындағы теміржол бекеттерінде жөндеу жұмыстары толығымен аяқталды
Жаңалықтар
17.06.2024
Пойыздағы адамдардың мазасын алған мас жолаушы айыппұл арқалады
Қауіпсіздік
17.06.2024
Маңғыстауда биыл 12 мал пойыздың астына түскен
Жүк тасымалы
17.06.2024
Жіңішке жүк станциясының бүгінгі жай-күйі
Әлеумет
17.06.2024
Теміржолшылар Құрбан айтта қайырымдылық жасады
Әлеумет
17.06.2024
Депоның бірнеше қызметкері құрметті демалысына шықты
Әлеумет
17.06.2024
Пойыздың терезесіне тас лақтыру тиылмай тұр
Жолаушылар тасымалы
14.06.2024
Бурабай бағытындағы пойыздарда жолаушылар саны үш жыл ішінде 10 есе өсті
Жаңалықтар
14.06.2024
Маңғыстауда ретро көліктер шеруі өтті
Спорт
14.06.2024
Шетпе станциясында теміржол мекемелері арасында шағын футболдан турнир өтті
Жаңалықтар
14.06.2024
Парламентте ҚТЖ-ның қаржылық жағдайы сөз болды
Жүк тасымалы / Апта саны
14.06.2024
Бес айда темір жол көлігімен 102 млн тоннадан астам жүк тасымалданды
Жаңалықтар / Мұрағат
14.06.2024
«Қазақстан теміржолшысы» газеті, №50 14 маусым 2024 жыл
Инфрақұрылым
13.06.2024
Өткелдер техникалық талапқа сай ма?