Баба ізін басқан шөбере

ҚТЖ келбеті
23.11.2022, 17:37
Суретті түсірген автор
Райхан Рахметова

«Қазақстан теміржолшысы» газетінің тілшісі

Компанияның түрлі құрылымдық бөлімшелерінде өз ісіне адал, теміржолды ата-бабасынан бері кәсіп етіп, армандап келіп, абыройлы еңбек етіп жүрген жастар көп. Солардың бірі - Қазалы белгі беру және байланыс дистанциясының өндірістік оқыту шебері Гүлзат Ерімбетова.  

Гүлзаттың басты мақтанышы, әрі өмірдегі темірқазығы – Қызылорданың тұңғыш теміржолшысы болған үлкен атасы – Оразмахан Ерімбетов. Сол атасынан басталған теміржолшылық кәсіп қазір ұрпақтан ұрпаққа жалғасуда. Өңірге аты мәлім теміржолшының суреті мен киімдері ШЧ-40 мекемесінің мұражайында ілулі тұр. Өз атасы Жүніс Ерімбетов те станция бастығы болған. Екі атасы да – соғысқа қатысқан ардагерлер. Әкесі Арыстанбек қазір өзі еңбек ететін дистанцияда 40 жыл механик болып жұмыс істеген. Міне, енді Гүлзат пен інісі де осы мекемеде абыройлы қызмет етіп келеді. 21 жасында еңбек жолын электрмонтер болып бастаған Гүлзат 2018 жылдан бері басшылық ұсынысымен өндірістік оқыту шебері болып тағайындалды. Өзі теміржолда бакалаврлық және магистрлік білім алса, заң саласында да жоғары оқу орнын тәмамдаған. 

 

– Біздің мекеменің қызмет ету аумағы – Жосалыдан басталып, Қоскөл станциясына дейін жетеді. Осы аралықта 34 бөлек пункт, яғни станция мен бекеттер бар. Дистанцияда барлығы 368 адам еңбек етсе, соның 340-сын оқытам. Айына техникалық сабақ өткізуге бәрін бір рет дистанцияға жинаймын. Басқа уақытта көбіне желі бойын аралап, бәріне барып сабақтар өткіземін. Жұмысымның 60 пайызы желі бойында өтеді. Көбіне практика жүзінде көрсетуге тырысамын. Оқыту барысында №866 бұйрық бойынша шығарылған өндірістік оқытуды ұйымдастыру стандартына және қосымша ережеге сүйенеміз. Үш техникалық картамыз бар. Қызметкерлерді оқыту олардың дәрежесіне қарай күрделене береді.  Қазалының басына келгенде заманауи құралдармен оқыту әдістерін пайдаланып, қысқа да нұсқа айтуға тырысам. Айына өтетін техникалық сабақ 80 минуттан тұрады, бірақ кейде екі сағатқа дейін созылады, – дейді Гүлзат Ерімбетова.  

Болашағын осы саламен ғана байланыстыратын Гүлзат – бүгінде екі баланың анасы. Басқа мекемелерден қанша ұсыныс түссе де ата жолына адалдығын соңына дейін сақтауға шешім қабылдаған. Кезінде ҚазҰУ-дың «мехматына» грантқа түсіп тұрса да бәрібір теміржолға барам деп, ол оқуды қойған болатын. Білімі мен білігі мол жас маман компания басшылары атынан талай рет марапаттар алған. Жастар форумына қатысып, қашан да белсенді болып жүретін өндірістік оқыту шеберінің болашағынан күтер үміт зор.  

 

Аймақтар
23.02.2024
Вагон қараушы үлкен қауіптің алдын алды
Жүк тасымалы
23.02.2024
Ақтау портында астық тасымалы сөз болды
Жаңалықтар
23.02.2024
ҚТЖ-да мемлекеттік тіл саясатын іске асыру жөніндегі комиссияның алғашқы отырысы өтті
Жаңалықтар / Мұрағат
23.02.2024
«Қазақстан теміржолшысы» газеті, №18 23 ақпан 2024 жыл
ҚТЖ келбеті
22.02.2024
Теміржолшы халықаралық конкурстың Гран-приін жеңіп алды
Жүк тасымалы
22.02.2024
Жіңішке станциясында былтыр 52 143 вагон жүк түсірілді
Жаңалықтар
22.02.2024
Мәжілісте Түркиямен өзара жүк тасымалы туралы Үкімет аралық келісімді ратификациялау туралы заң жобасы ұсынылды
Трансформация
22.02.2024
«Білім экспресі» жұмысы қорытындыланды
Темір жол тарихы
22.02.2024
Қазақстан темір жолының 120 жылдығына орай «Темір аю» жобасы іске қосылды
Жүк тасымалы
21.02.2024
Кілтипаны көп кірме жолдар...
Жаңалықтар
21.02.2024
ҚТЖ-да авто тежегіштер жөніндегі нұсқаулық жетілдіріледі
Жаңалықтар
21.02.2024
Түрксіб станциясында Қырғызстан азаматына айыппұл салынды
Жаңалықтар
20.02.2024
ҚТЖ-да «Білім экспресі» форумы өтті
ҚТЖ келбеті
20.02.2024
Қарт майдангер теміржолшы – 100 жаста
Әлеумет
20.02.2024
Мүгедектігі бар жолаушылармен жұмыс істеу тренингі өтті
Жаңалықтар
20.02.2024
Ауған алауы жадымызда...
Сұхбат
20.02.2024
Еңбек қорғауда елеулі ілгерілеу бар
Станция тынысы
20.02.2024
Сексеуіл станциясы өндірістік жұмыстарды асыра орындады
Басты жаңалықтар
20.02.2024
Астанада «Кәсіподақ жетекшілері» атты оқу форумы өтті (Фото)
Жаңалықтар
20.02.2024
Ақтау портына гидродинамикалық модельдеу жүргізіледі