Жолшылар дистанциясының бесінші ұрпағы

ҚТЖ келбеті
29.09.2019, 10:52
Жансая Сыдықбай

Шымкент қаласы бойынша меншікті тілшісі

Ақтолқын Жоланова – теміржолшылар әулетінің бесінші өкілі. Династия болғанда да кілең жолшылардан құралған. Кейіпкеріміздің айтуынша, ата-бабасы, әкесі, ағайынтуыстары теміржол саласының ішінде тек жолшы мамандығын таңдаған.

Арыс қаласында осындай теміржолшылар әулетінде дүниеге келген Ақтолқын Асырауқызы Қазақ көлік коммуникациялар академиясының жол және жол шаруашылығы мамандығы бойынша оқып жоғары білім алған соң жолдамамен Көкшетау жол дистанциясына жұмысқа барады. Ол жақта үш жарым жылдай жұмыс істеп, біршама тәжірибе жинаған соң Астана жол дистанциясына ауысады. Төрт жыл бұрын туған жеріне жақындап, Шымкент жол дистанциясына ауысты, бүгінде техникалық бөлімнің жетекші инженері болып қызмет атқарады. Еңбек өтіліне биыл шілде айында он жыл толады.

Инженердің жұмысы, әрине, оңай шаруа емес. Оның үстіне, бұл жауапты жұмысты әйел баласы атқарып отыр. Ақтолқын ер азаматтардан кем түспей, Шымкент жол дистанциясында құжаттарды талдап, саралап, жол және жол шаруашылығына бір кісідей үлесін қосып отырғанын, осылай өз әулетінің даңқты жолын жалғастырып отырғанын мақтан тұтады.

«Біздің әулет үлкен бабамыз Отаубай Жоланнан басталады. Ол кісі Түрксіб теміржолының құрылысы енді басталған кезде атарбамен тас тасып, құм тасып, жол салып қызмет еткен екен. Ол кісінің еңбек өтілі – 25 жыл. Одан кейінгі атам Ізбан Жолановтың еңбек өтілі – 30 жыл, ол да жолшы. Ізбанның баласы өз атам Полаттың еңбек өтілі – 44 жыл. Ол кісі де жолшы, жол бригадирі болып қызмет атқарған. Ал әкем Асырау Полатұлы қазіргі таңда Арыс жол дистанциясында жол шебері, еңбек өтілі 43 жылды құрайды. Құлахмет Темірбеков деген ардагер аймақтағы теміржолшылар энциклопедиясын құрастырған. Сол шежіре кітапқа ата-бабаларымыздың аты-жөні түгел енгізілген», – дейді мақтанышпен Ақтолқын Асырауқызы.

Оның айтуынша, әкесі Асыраудың екі інісі де осы жол шаруашылығында жұмыс істейді. Қайрат Жоланов Шымкент жол дистанциясында жол шебері қызметін 35 жылдан бері атқарып келе жатса, Бауыржан Жолановтың еңбек өтілі 30 жылды құрайды.

Асырау Полатұлының 5 қыз, 1 ұлы бар. Әке жолын перзенттерінің ішінен тек осы төртінші қызы Ақтолқын ғана жалғастырыпты.

«Әкемнің жолын қуған мен ғана. Інім дәрігерлікті таңдады. Жалпы, теміржолшы мамандығын таңдауыма ең бірінші ықпал жасаған әкем. Теміржолшылар отбасында дүниеге келдік, ата-бабамыз теміржолшылар болған соң солардың жолын жалғау перзентінің біріне парыз деп ойлаймын. Жалпы, Арыс теміржолшылар ордасы деуге болады, екінің бірі осы кәсіпті меңгерген. Бала күнімде әкемнің жұмыс орнында мерекелік кеш-тер жиі ұйымдастырылатын. Әкем сол жаңажылдық ертеңгілік, наурыз тойларына бізді қаздай тізіп, жетектеп апаратын.

«Теміржол - тұрақты сала, жалақыны уақытылы береді, медициналық көмек те жақсы болды кезінде, үй де беретін, өзінің мектеп, балабақшасы, ауруханасы болды, соның арқасында, құдайға шүкір, отбасы, балашағаны асырап жеткіздік» деп әкем жиі айтып отырады. Ол рас, анамыз өмір бойы жұмыс істемеген, үй шаруасын реттеп, бала-шағаның жағдайын жасады, әкеміздің бір жалақысымен бәріміз оқыдық, жоғары білім алдық», – дейді Ақтолқын.

Алайда, оны теміржолшылардың ішінде ең төменгі жалақыны жолшылар алатыны қынжылтады екен. Жасыратыны жоқ, қазіргі кезде теміржолшыларға бұрынғыдай көңіл бөлінбейді. Әсіресе жолшылардың, жол монтерларының ауыр жұмысына орай неге жалақысын көтермеске? Ақтолқынның атқаратын қызметі – ақауларды қайталанбас үшін талдау жасап, келесіде қандай жұмыс жасалу керек екенін жол шеберлеріне жеткізіп отыру. Жас маман Шымкент бөлімшесіндегі жолдың жай-күйіне «4» деген баға беруге болатынын айтады. Жол дистанциясы бойынша мұнда қазіргі басты проблема – бөгде адамдар мен төрт түлік малдың жолға шығып кетуі. Соның салдарынан шұғыл тежеу қолдану көбейген.

«Әкімшіліктерге қаншама түсініктеме хат жазғанымызбен, полиция қызметкерлерімен бірге жұмыстар жүргізілгенімен нәтиже жоқ. Шымкент жол дистанциясы бойынша шұғыл тежеу қолдану былтырғы көрсеткішпен салыстырғанда биыл айтарлықтай көбейген. Кейбір азаматтар малын пойыз басып кеткен жағдайда айыппұл төлемес үшін малының құлағын кесіп алып кететін де жағдайлар кездеседі», – дейді Ақтолқын Жоланова.

Ақтолқынның әулетінде жақсы бір үрдіс бар екен. Олар жыл сайын теміржолшылар мерекесі күні ең бірінші болып, әкелерін кәсіби мерекесімен құттықтайды. Жан-жаққа тарыдай шашылған әулеттің бір шаңырақта бас қосуы қиын. Бірақ телефон шалып, құттықтау жолдау қағидаға айналған. 

Жаңалықтар
12.09.2025
ҚТЖ-да еңбек қорғау және экология бойынша корпоративтік олимпиаданың жеңімпаздары анықталды
Жаңалықтар
12.09.2025
ҚТЖ сатып алу жүйесіне жасанды интеллект енгізіп, отандық өндірісті қолдайды
Жолаушылар тасымалы
12.09.2025
«Алматы – Мәскеу» бағытында тікелей теміржол қатынасы ашылады
Жаңалықтар
12.09.2025
Өткенге есеп, келешекке міндет
Қауіпсіздік
12.09.2025
Қауіпсіздік өзіңнен басталады
Жүк тасымалы
12.09.2025
Семейде көмір тасымалы артты
Әлеумет
12.09.2025
ҚТЖ балаларға ерекше қамқорлық көрсетуде
Жаңалықтар / Мұрағат
12.09.2025
Қазақстан теміржолшысы газеті, №74 12 қыркүйек 2025 жыл
Инфрақұрылым
11.09.2025
Қазақстанда 1700 км-ден астам жаңа теміржол салынып жатыр
Жаңалықтар
11.09.2025
ҚТЖ: Алматы облысында Агро-индустриялық паркті дамыту бойынша ынтымақтастық туралы келісімге қол қойылды
Әлеумет
11.09.2025
«Саламатты Қазақстан» пойызы ШҚО-ға келді
Аймақтар
11.09.2025
Абай өлеңдерін оқыды
Жүк тасымалы / Бейнелер
11.09.2025
Қазақстан мен Өзбекстан арасында жаңа бағыт іске қосылды
Жүк тасымалы
11.09.2025
ҚТЖ-да астық тасымалы талқыланды
Жаңалықтар
10.09.2025
Кәсіподақтың XI съезі өтті
Жүк тасымалы
10.09.2025
Қазақстан Вьетнамға бидайды тікелей контейнер ауыстырмай жеткізді
Жолаушылар тасымалы
10.09.2025
ҚТЖ «Voice Beyond Horizon» музыкалық реалити-шоуына арнап пойыз жасақтады
Аймақтар
10.09.2025
Қызылорда теміржолшылары – мемлекеттік тілдің үздік жанашыры
Жүк тасымалы / Инфографика
10.09.2025
8 айда теміржол көлігімен жүк тасымалы 4% өсті
Әлемде
10.09.2025
Мексикада жүк пойызы автобуспен соқтығысты: 10 адам қаза тауып, 60-тан астамы жараланды