Шалқар станциясы: үш бағытқа қызмет көрсетеді

Фоторепортаждар
24.11.2020, 08:33
Ардақ Ерубаева

Ақтөбе облысы бойынша меншікті тілші

Ақтөбенің жүрегі аталатын Шалқар станциясы – екінші класты учаскелік станция. Елдегі төтенше жағдай, карантиндік шаралар кезінде де жұмыс тоқтаған жоқ. Облыс орталығынан 365 шақырым қашықтықта жатқан Шалқар ауданы өңір бойынша халық саны жағынан алғашқы үштікте. 50 мыңға жуық тұрғыны бар ауданда теміржол – кенттің басты тіршілік көзі болып саналады.

Олай дейтініміз, жергілікті тұрғындардың дені теміржолда жұмыс істейді. Мұндағы елдің әлеуметтікэкономикалық дамуына қосатын теміржол саласының салмағы орасан. Бір теміржолшы екі отбасын асырап отыр деуге болады. Торапта жол дистанциясы, вагон жөндеу депосы, сигнализация және байланыс дистанциясы, электрмен жабдықтау дистанциясы, өрт сөндіру пойызы, вокзал шаруашылығы, әскерилендірген күзет, тағысын тағы мекемелер бар. Бір ғана станцияда 80 теміржолшы еңбек етеді. 

Станция Шалқар-Сексеуіл, ШалқарТассай, Шалқар-Жем бағыттары бойынша жұмыс істейді. Тәулігіне 25- 30 пойызға қызмет көрсетіледі. Станцияда жыл сайын жұмыс өнімділігі артып, көрсеткіш өскен. Жүк қабылдау, жүк түсіру, транзиттік пойыздармен жұмыстар жоспарға сай орындалып келеді. 

Станция басшысы Жолдыбай Ізтілеуовтің айтуынша, карантин кезінде де жұмыс кідіріссіз болды. 

Ауысымдағы жұмысшылар 12 сағат бойына тоқтаусыз жұмыс істеген. 

«Жергілікті жерден тиелетін жүктерді де уақытында түсіруге беріп, тиеген вагондарды жіберіп отырамыз. Вагондарды уақытылы ағытып-тіркеу және оларды белгіленген уақыттан артық тұрмауын басты назарға алғандықтан жұмыс жүйелі жүруде. Станцияда екі маневрлік тепловоз бар. Барлық жұмысқа үлгеріп жатыр», – дейді станция бастығы. 

Станциядағы маневрлік қозғалыстарды реттеп, тіркелетін, ағытылатын вагондардың жүйелі жұмысын бақылап отыратын меневрлік диспетчер Аян Райдың айтуынша, жұп паркі жолаушылар пойызына арналған, тақ паркте жүк пойыздарымен жұмыс жасалады. Пойыздар Тассай, Сексеуіл жағынан көп келеді. Мұндағы төртінші жолда еңбекші пойызы қабылданады.

VI,VII, VIII жолдар қалған вагондарға арналған. Тоғызыншы жолға өрт сөндіру пойызы тұрады.

 «Ақтөбе бөлімшесі бойынша негізгі салмақ Шалқар станциясына түседі. Мұғалжардың вагондарын

бөлек, Бершүгірдің вагондарын бөлек,

Алабастың вагондарын бөлек дайындаймыз. Тассайдан келетін вагондармен де жұмыстар осы жерде жасалады. Тассайдан негізінен тақ пойыздар келеді. Бізден ол жаққа жұп пойызы жөнелтіледі. Станцияда екі маневр жұмыс жасайды. Тәуліктік графикпен пойыздардың келіп-кетуі бақыланып отырады, жұмыс ырғағы қалыпты, еш кідіріс жоқ», – дейді станцияның маневрлік диспетчері Аян Рай. 

Учаскелік станцияның Бершүгір, Мұғалжар аумағында ірі көлемде жүк тиеу жұмыстары жиі жүреді. Жұмыстың артуымен қызметкерлер саны да арта түскен. 

«2008 жылы ұжымда 57 адам болатын. Қазір 80 адам жасайды. 2014 жылдың тамызынан үш бағытқа қызмет жасай бастаған соң қызметкерлердің де саны өсті. Жұмыс ауқымы көбейді. 

Ұжымда тәжірибелі мамандар көп. Көпшілігі жоғары білім алған. 

Қызметкерлердің орташа жасы – 40- 45. Қызметкерлерді жұмысқа қабылдау, оларды бір жұмыстан екінші жұмысқа ауыстыру Ақтөбедегі орталық арқылы шешілді. Себебі, станцияның есепшісі де, кадр маманы да қалада», – дейді станция басшысы. 

Шалқар станциясын 2008 жылдың шілдесінен басқарып келе жатқан теміржолшы еңбек жолын 1988 жылы теміржол техникумын бітіріп келген соң осы станцияда машинист көмекшісі болып бастаған екен. Кейін вагон құрастырушы, пойыз диспетчері қызметтерін атқара жүріп тәжірибе жинақтап, жоғары білім алған. Теміржолшылар династиясын жалғастырушы. Әкесі де, атасы да осы салада, бірі 42 жыл, бірі 43 жыл еңбек еткенін, атасы соғыс жылдары майдан даласына жүк тасыған «Ленин» орденді теміржолшы болғанын мақтанышпен айтады, 2013 жылы Құрметті теміржолшы атанған Жолдыбай Ізтілеуов. 

Жаңалықтар
23.05.2025
Қазақстанда алғаш рет жартылай вагондарда контейнерлерді тасымалдау технологиясы енгізілді
Жолаушылар тасымалы
23.05.2025
ҚТЖ балаларды пойызда тасымалдау ережелерін еске салды
Жаңалықтар
23.05.2025
Заманауи CRRC тепловоздары елдің солтүстік аймақтарында пайдаланылатын болады
Әлеумет
23.05.2025
Еңбеккер мүддесі – бірінші орында
Спорт
23.05.2025
Көкшетаудағы чемпионаттан жамбылдықтар жүлдемен оралды
ҚТЖ келбеті
23.05.2025
Еңбекпен есімі танылған байланыс шебері
Аймақтар
23.05.2025
Абай мұрасы – теміржолшылар назарында
Жаңалықтар
23.05.2025
Заманауи маневрлік тепловоздар жеткізілді
Жаңалықтар / Мұрағат
23.05.2025
Қазақстан теміржолшысы газеті, №39 23 мамыр 2025 жыл
Жолаушылар тасымалы
22.05.2025
Балқаш курорттық аймағына жазда қосымша пойыздар қатынайды
ҚТЖ келбеті
22.05.2025
Шымкенттік инженер ойлап тапқан қорғаныс құрылғы 18 депода қолданылуда
Спорт
22.05.2025
Кәсіподақтың 120 жылдығына орай шағын футболдан турнир өтті
Инфрақұрылым
22.05.2025
Көлік-логистика саласында бірқатар жоба іске асады
Жаңалықтар
22.05.2025
«Алматы-Ақтөбе» пойызының жолаушысынан марихуана табылды
Әлемде
21.05.2025
Қытай Моңғолиямен шекарада жаңа теміржол желісінің құрылысын бастады
Жаңалықтар
21.05.2025
«Самұрық-Қазына» мен Alstom серіктестік мәселесін талқылады
Жаңалықтар
21.05.2025
Қазақстан мен Грекия логистика саласындағы әріптестікті нығайтуда
Жаңалықтар
21.05.2025
Қостанай станциясында эпилепсиямен ауыратын әйелге шұғыл көмек көрсетілді
Жаңалықтар
20.05.2025
ҚТЖ 36 өндірістік нысанды жөндеуден өткізеді
Жолаушылар тасымалы
20.05.2025
Жазғы маусымда Алакөлге қосымша вагондар іске қосылады