Сексеуіл станциясы: төрт бағытқа тармақталған

Фоторепортаждар
12.12.2020, 13:07
Сабырхан Сейілбекұлы

Қызылорда облысы бойынша меншікті тілші

Қызылорда жүк тасымалының солтүстігіндегі Сексеуіл бекеті жұмыс санатына қарай төрт бағытта жүк жөнелтуге бейімделген өндірістік станция саналады. Бірнеше ауысыммен жұмыс жасайтын теміржолшылар өздерінің кәсіби міндеттеріне әбден дағдыланған.

Соның нәтижесі – сексеуілдік теміржолшылар маневрлік және пойыздық, өндірістік жұмыс барысында пойыздардың қозғалыс қауіпсіздігінің бұзылуына жол бермей, биылғы жылды табысты қорытындылауға жақын. Қараша айында 82 вагонға жүк тиеу межесін 96 вагонға жеткізіп, жоспарды 117 пайызға асыра орындады. Ал 1618 тонна жүк түсіру жоспарын 1622 тоннаға жеткізіп, межені 100,9 пайызға орындады. Басқа да негізгі өндірістік жұмыс көрсеткіштері түгел жоспардан асыра орындалуда. Бұл жайында бекет басшысының орынбасары Абдулхамит Тұрмантаев ұсынған мәліметтерде де көрсетіліпті. Маман ұсынған мағлұматтар сексеуілдік теміржолшылардың жұмысы жоспарға сай, тыңғылықты екенін дәлелдейді. 

– Біздің станция қараша айында 361 пойызға 18368 вагон тіркесе, он бір ай ішінде 3746 пойызға 201228 вагон тіркеп, бекетке аялдаған жүк пойыздарына қатысты жұмыстарды толық атқарды. Станциядан жөнелтілетін жүк пойыздарын төрт бағытқа сай құжаттарын рәсімдейтін мамандар жөнелту құжаттарын қазіргі сандық жүйеге сәйкес атқарып рәсімдеуде. Және де аймақтағы санитарлық ахуалға байланысты сақтық шаралары қатаң сақталып жұмыс жасалуда, – дейді Сексеуіл станциясы бастығының орынбасары Абдулхамит Тұрмантаев. 

Сексеуіл станциясы теміржолшылары орта есеппен әр ай сайын 300-ден аса жүк пойыздарын қабылдап, оларға қатысты құжаттарды рәсімдейді. Вагондарды бағытқа сай құрамнан ағытып, оларды жаңадан қайта құрастырып, Арыс, Бейнеу, Шалқар және Жезқазған бағыттарына жөнелтеді. Жылдың қай мезгілі болмасын тоғыз жолдың торабы дерлік станцияда жұмыс бір тынбай, күні-түні қайнап жатады, ал теміржолшылар соның үдесінен шығып, өз кәсіптерін ұршықтай үйіріп отыр. 

– Жалпы біздің станция теміржолшыларының бәрі – өз кәсібін жете меңгерген, білікті де тәжірибелі мамандар. Олардың қатарында пойыз құрастырушы Азамат Иманғазиевті, тауар кассирі Күләнда Кабулованы, техкеңсе маманы Күміс Ұзақбаеваны, станция кезекшілері Ибадулла Бәйменов пен Асылбек Есмамбетовті, парк кезекшісі Сермағанбет Талдықбаевты ерекше атап өтер едім. Бұл осы станцияның «отымен кіріп, күлімен шығып» дегендей тер төгіп жүрген кәсіби мамандарға көрсетілген құрмет болмақ, – деді станция бастығының орынбасары. 

Сексеуіл бекеті теміржолшыларының берекелі тірлігі бөлімше мен компания басшылығы бекіткен өндірістік тапсырмаларын мінсіз орындауға ықпал жасауда. Ұжымды өндірістік жұмысты шебер ұйымдастырушы, бірнеше мәрте саланың үздік басшысы атанған тәжірибелі теміржолшы Бауыржан Баянов басқарады. 

Жолаушылар тасымалы
24.07.2024
Пойыздарға билетсіз мінгізгені үшін – жұмыстан шығару
Жаңалықтар
24.07.2024
Құрық теңіз порты мен Транскаспий халықаралық көлік бағытын байланыстыратын жол күрделі жөндеуден өтті
Жаңалықтар
24.07.2024
Кірме жолдарды мемлекеттік меншікке беру рәсімі аяқталды
Әлемде
23.07.2024
Германияда Еуро-2024 кезінде қалааралық пойыздармен 12 миллион жолаушы тасымалданды
Әлемде
23.07.2024
Еуропалық Одақ көлік жобаларына 7 миллиард еуро бөлмек
Жүк тасымалы
23.07.2024
ҚТЖ астық тасымалына дайындығын пысықтауда
Қауіпсіздік
23.07.2024
Атырауда техникалық-әдістемелік сабақ өтті
Жаңалықтар / Мұрағат
23.07.2024
«Қазақстан теміржолшысы» газеті, №60 23 шілде 2024 жыл
Жаңалықтар
22.07.2024
Қазақстан, Түрікменстан және Ауғанстан жаңа теміржол магистралінің құрылысын талқылады
Инфрақұрылым
22.07.2024
Күрделі жөндеу жұмыстары кезең-кезеңімен жүзеге асырылуда
Әлеумет
22.07.2024
Теміржолшылардың балалары лагерге аттанды
Спорт
22.07.2024
Қазақстан темір жолының 120 жылдығына орай Таразда спартакиада өтті
Жаңалықтар
22.07.2024
Ауғанстан, Түрікменстан және Өзбекстан делегациясы Бейнеу астық терминалының мүмкіндігімен танысты
Жолаушылар тасымалы
22.07.2024
Қаныш Сәтбаевтың 125 жылдығына арнайы безендірілген пойыз жолға шықты
Темір жол тарихы
21.07.2024
«Алатау» жүрдек пойызы қалай пайда болды?
Жаңалықтар
19.07.2024
Жаңа – Есіл локомотив депосының паркі жаңартылды
Жаңалықтар
19.07.2024
Мемлекеттік тілді дамыту бойынша өткен байқаудың жеңімпаздары анықталды
Станция тынысы
19.07.2024
Шағыр станциясында жүк тиеп жөнелту артып келеді
Аймақтар
19.07.2024
«Жасыл істер марафонында» Жамбыл бөлімшесі бірінші орынды жеңіп алды
Жүк тасымалы
19.07.2024
Биыл Қытайға 2 млн тоннадан астам астық экспортталмақ