Ақмола станциясының бөлім басшылары үш күндік оқуды аяқтады
Ақмола теміржол станциясының ЖТ бөлімінде қызмет атқарғанына бір жылдан аз уақыт болған бөлім басшыларына оқу сабақтары өткізілді, деп хабарлайды Rail-news.kz.
Оған аймақтағы станциялардың 12 басшысы қатысты. Көкшетау станциясында қатысушыларға арнап оқу комиссиясының бақылауы ұйымдастырылды. Оны бөлімнің бас инженері Сайран Баржаксин өткізді. Станция басшылары жолдың, электрмен жабдықтаудың, белгі беру және байланыс құрылғылар қондырмасының ақауларын немесе ауытқуларын анықтау процесін пысықтады. Қатысушылар тәжірибе алу барысында пойыздар қозғалысының қауіпсіздігін және тасымалдау процесінің үздіксіздігін қамтамасыз ету бойынша іс-шаралармен танысты.
«Станция басшылары инфрақұрылымға көбірек көңіл бөлуі керек. Сабақ барысында қозғалыс қауіпсіздігін және еңбекті қорғауды қамтамасыз ету, станциялардың пайдалану көрсеткіштерін орындау, нормативтік-техникалық құжаттаманы сапалы дайындау және басқа да маңызды тақырыптар қарастырылды», - деді Сайран Баржаксин.
Оқыту қорытындысы бойынша станция басшыларына комиссиялық тексеру жүргізуге қажетті негізгі құралдары бар көрнекі құралдар ұсынылды.
