Ақтөбедегі теміржол ревизорлары 5 мыңнан астам сәйкессіздікті анықтаған

Аймақтар
21.01.2022, 11:45
Сұлугүл Бакесова

«Қазақстан теміржолшысы» газетінің тілшісі

«ҚТЖ» ҰК» АҚ-ның ел өңіріндегі ірі филиалдарының бірі Ақтөбе жол бөлімшесі тасымалдау процесінде маңызды рөл атқарып, теміржол көлігінің жұмысын тиімді ұйымдастырып келеді.

Қандыағаш тораптық станциясы бөлімшенің «жүрегі» десек болады. Мұнда автоматты орталықтандырумен жарақтандырылған сұрыптау дөңесі бар, ол тәулігіне шамамен 2,5-3 мың вагонды өңдеп, 22 бағытқа пойыздарды жасақтайды.

Бөлімшенің Дөң станциясы аумағында хром кені өндіріледі, ол әлемде кен өндіру көлемі бойынша екінші орында тұр. Станциядан жыл сайын тиелетін бұл жүк түрінің көлемі шамамен 3-3,5 мың тоннаны құрап, ол Ақтөбе және Ақсу ферроқорытпа зауы- тына жөнелтіледі. Ал бөлімшеде тиелетін жүктің 50%-ға жуығын құрылыс материалдары құрайды. Олар көбінесе Біршоғыр, Мұғалжар, Сарысай, Кемпірсай, Қамыссай, Қаратоғай, Шұбарқұдық станцияларынан жөнелтіледі.

Ақтөбе бөлімшесінің географиялық жағдайы да айрықша, қысқы ауа-райы қатты аяз, қалың қар және боранды бұрқасынымен ерекшеленеді. Әсіресе, Мұғалжар тауының сілемдері созылып жатқан Біршоғыр және Никельтау жол дистанциялары үшін қыс маусымы қатал сынақ, соған қарамастан бұл аумақтың теміржолшылары қауіпсіз және үздіксіз қозғалысты қамтамасыз етуде ешкімнен кемшін қалған емес. Аймақта пойыздардың қозғалыс қауіпсіздігінің толық қамтамасыз етілуін Еркінбек Елғонды жетекшілік ететін Ақтөбе телімі бойынша ревизорлық аппарат бақылауға алған.

Өңірдің бас ревизоры болып еңбек етіп жатқанына жетінші жылға аяқ басқан тәжірибелі теміржолшы жетекшілік ететін ревизорлық аппаратта қызмет етіп жүрген 5 ревизордың қай-қайсысы да өз ісінің кәсіби мамандары. Өткен жылы олар жылжымалы құрам мен техникалық құралдардың жағдайы, инфрақұрылым құрылғыларын пайдалану және күтіп ұстау, пойызды дұрыс басқару, жұмыс барысында технологиялық процестердің талаптарын сақтау бағытында 600-ге жуық тексеріс жүргізіп, 5 мыңнан астам сәйкессіздікті анықтаған.

Сондай-ақ, пайдалану процесіне шектеу қою арқылы қозғалыс қауіпсіздігіне қайшы келетін 600-ден астам өрескел бұзушылықтың алдын алған.

«Ауруды емдегеннен гөрі, алдын алған тиімді. Сол сияқты теміржолда да қозғалыс қауіпсіздігінің бұзылуынан болуы ықтимал апаттарға себепші факторларды дер кезінде анықтау әлдеқайда тиімдірек. Сондықтан қауіпсіздік ревизорларына жүктелетін жауапкершілік аса жоғары. Ал біз сол жауапкершілік үдесінен өз міндетімізді адал атқарып, талабымызды бұлтартпас айғақ-дәлелдермен орындата алғанда ғана шыға аламыз. Ең бастысы, қозғалыс қауіпсіз де үздіксіз болсын», – дейді Еркінбек Шүйінішбайұлы.
Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды