Кәсіби теміржолшыларды шыңдау ордасы

Аймақтар
15.11.2018, 11:50

Жұртшылық аузында «Теміржол колледжі» атанып кеткен Семей электротехникалық колледжі техникалық және кәсіптік білім беру саласында жаңа белестерді бағындыруда. Білім беру ордасының жетістіктері әсіресе теміржол қызметі саласында айқын байқалады.  

Бұл жайында жуырда Семей ЖТ бөлімшесіне келіп, құрылымдық мекемелер қызметімен жете танысқан ұлттық компанияның бас инженері Батыр Котырев та баса атап өтті. Батыр Қуанышұлы аймаққа жасаған сапары барысында теміржолшылар даярлайтын аталмыш оқу орнына арнайы келіп, қызметімен жан-жақты танысқан болатын. Білім ордасы басшылығының айтары да, көрсетері де көп екен. Бірінші кезекте, теміржолдың жылжымалы құрамын пайдалану, жөндеу және техникалық қызмет көрсету түрлері бойынша тепловоз машинисінің көмекшісі, станция кезекшісі, теміржол көлігінде тасымалды ұйымдастыру және қозғалысты басқару саласының техник-ұйымдастырушысы, теміржолдың электротехникалық жүйелерін электрмен жабдықтау, пайдалану және техникалық қызмет көрсету маманы сынды бірқатар кәсіби қызметкерлерді даярлайтындықтарын баса атап өтті. Сондай-ақ, осы жолда қолданылатын заманауи технологиялар мен әдістемелік жұмыстар барысымен де таныстырды.  

Әсіресе, білім ошағының Семей ЖТ бөлімшесімен әріптестік және әлеуметтік серіктестік байланыс жоғары. Атап айтсақ, өндірісте бинарлы сабақтар өткізу, кәсіби шеберлік байқауларына теміржолшы-инженерлердің қатысуы, іс-тәжірибеден өткізу сынды шаралар жалғастық табуда. Сол тәрізді бөлімше бойынша ұйымдастырылатын түрлі жиындар, жастар форумы, тіпті халықаралық басқосулар деңгейіндегі түйіспелі кеңестер колледж қабырғасында өткізіледі.

Батыр Қуанышұлы колледждегі IT кабинет пен теміржолдың электромеханикалық жабдықтарын электрлендіру мамандарын даярлайтын кабинеттерде болып дәріс барысына қанығып, көріп шықты. Электрлендірілген схеманы қарап шығып, теміржол саласы байланысшыларын даярлаудағы соны жетістіктермен танысқан Бас инженер колледждің білім берудегі жетістіктерін жоғары бағалады.

Тағы бір айта кетер жайт, аталмыш білім ордасы қысқа мерзімдік арнайы курстар өткізеді екен. Газбен дәнекерлеу, электрмен дәнекерлеу, бақылау, өлшеу аспаптары мен автоматика слесары тәрізді мамандықтарға арнайы сертификат береді. Осы жайтқа қызығушылық танытқан Батыр Қуанышұлы 12 сағаттық қысқа курстан өтуге өзі де бел байлап, арнайы киім киіп, дәнекерлеу аспабымен жұмыстарын жасап, арнайы инструктаждан өтті. Аттестациялық тапсырмаларды толық орындап шығып, сертификат алды. Осылайша, «мың рет естігенше, бір рет көзбен көрген жақсы» деген қағиданы ұстанған компанияның бас инженері өндіріске қажетті мамандарды даярлау барысының қыр-сырына толық қанықты. Дәнекерлеуші мамандығына бүгінде қоғамның барлық қызметтік саласында да сұраныс аса жоғары екенін айтып өткен ол, жігітке жеті өнер де аз демекші, дәнекерлеуші сертификатының кез келген адамға артықтық етпейтініне сенімді екенін жеткізді.

Теміржолшылардың орта буын мамандарын даярлайтын оқу ордасы жайлы бөлімше басшысы да оң пікірін білдірді.

– Бүгінгі таңда біздің бөлімшеміз бойынша қызметкерлердің шамамен 30 пайызы осы колледждің түлектері саналады екен. Олардың араларында біліктіліктерін шыңдап, білімдерін жоғарылатып, қызметтік тұрғыдан өсіп, бүгінгі таңда Семей теміржолының жетістіктеріне өз үлесін қосып жүрген мамандар көптеп саналады. Сәйкесінше, колледжбен екіжақты қарым-қатынасымыз нығайып келеді, – дейді Семей ЖТ бөлімшесінің басшысы Марлен Көкрекбаев.

Колледж түлектеріне сұраныс жоғары, жүз пайыз жұмыспен қамтылады екен. Басты жұмыс беруші, әрине, Семей ЖТ бөлімшесі. Сондықтан болар, желі бойындағы шағын станциялар мен жолайрықтарында негізінен осы колледж түлектері еңбек етуде.

Техникалық-кәсіптік білім беруде отандық теміржол саласы үшін кәсіби мамандар даярлаушы оқу орны студенттерінің қатарында теміржолшылардың балалары көп екен және ол заңдылық болса керек.

  Қуаныш Қожаев, Семей 


Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды