ҚТЖ-да «Гендерлік теңдік призмасы арқылы адам құқықтары» инфосессиясы өтті

Іс-шара ҚТЖ-да нетворкинг, тәжірибе алмасу және гендерлік теңгерімді ілгерілету алаңына айналды.

«Қазақстандағы парламентаризмді дамыту қоры» қоғамдық қорының президенті Зәуреш Батталова өз сөзінде гендерлік теңдік – қазіргі қоғамның негізін құрайтын құндылық екенін атап өтті. Бұл ретте гендерлік теңдік нормаға айналады, ал әйелдер – оның барлық салаларында өмірдің қиындықтарын жеңе алатын нағыз көшбасшылар мен менеджерлер.

«Қазақстан темір жолы» Ұлттық компаниясы» АҚ-да 110 мыңнан астам адам жұмыс істейді, олардың 23%-і әйелдер. Теміржолшы әйелдер команданың бір бөлігі ғана емес, сонымен қатар өндірістен бастап стратегиялық деңгейге дейін басқарудың барлық деңгейлерінде өздерінің кәсібилігін, көшбасшылық қасиеттерін көрсетуде.

Компания гендерлік теңдік бойынша жұмыс жүргізеді және әділ әрі тең құқықты қоғам құруға өз үлесін қосады, жынысына қарамастан қызметкерлер үшін тең мүмкіндіктерді қолдап келеді.

Сонымен қатар, теміржолшылардың әлеуметтік пакеті ана мен баланың денсаулығын қолдауға бағытталған жеңілдіктерді (бала тууға, асырап алуға байланысты ақылы әлеуметтік демалыстар, бала асырап алуға байланысты материалдық көмек, жұмыс істейтін әйелдерге баланы тамақтандыруға қосымша үзілістер беру және т.б.) қамтиды.