Транскаспий бағыты бойынша 10 айда тасымалданған жүк көлемі 11 мыңнан астам ЖФЭ жетті
«Қазақстан теміржолшысы» газетінің тілшісі
KTZ Express көрсететін сервистер легі Eurasia rail халықаралық конференциясы кезінде таныстырылды. Шара Стамбул қаласында өткен 9-шы Халықаралық жылжымалы құрам, инфрақұрылым және логистика көрмесі аясында өтті деп хабарлайды компанияның баспасөз қызметі, деп хабарлайды Rail-news.kz. Түркияда өткен маңызды шараға қатысушылар Еуразияның логистикалық дәліздерін дамыту перспективалары мен ағымдағы жағдай, халықаралық сауда мен цифрландыру мәселелерін талқылады. Конференция халықаралық сауда аясындағы логистикалық дәліздер мәселесіне арналды. Оған Әзербайжан теміржолының башылары, Rail Cargo Logistics бас директоры және «KTZ Express» АҚ басшылары да қатысты. Өз сөзінде «KTZ Express» АҚ-ның Түркиядағы өкілдігінің басшысы Б.Мүкішев Қазақстан аумағы арқылы транзит көлемі, әсіресе, Транскаспийлік Халықаралық Көлік бағдары бойынша жүк ағыны есебінен қарқынды артып келе жатқанын мәлімдеді. Мәселен, биыл өткен 10 айда бағдар бойынша жүк көлемі 11 мыңнан астам ДФЭ құраған. Бұл – өткен жылдың сәйкес кезеңіне қарағанда 80% артық деген сөз.