Бірінші тоқсанда 30 млн тоннаға жуық экспорттық жүк тасымалданды
«Қазақстан теміржолшысы» газетінің тілшісі
Әлемді шарпыған пандемия салдары әрқилы. Теміржолдың жүк тасымалы саласына ол айтарлықтай кері әсерін тигізе қоймаған секілді. 2022 жылдың бірінші тоқсанында «ҚТЖ» ҰК» АҚ желісі бойынша экспортқа тасымалданған жүк көлемі 22,9 млн тоннаны құрап, өткен жылдың деңгейімен салыстырғанда 6% жоғарылаған.
Сонымен қатар, ҚТЖ жүк тасымалының жалпы көлемінде экспорт 35% асады. Экспорт сегментінде тас көмір басты орынға ие. Биыл бастапқы үш айда 8,9 млн тонна қатты отын сырт елдерге шығарылған, бұл көрсеткіш өткен жылдың сәйкес кезеңімен салыстырғанда 26% жоғары болып отыр. Астық экспорты да 30% немесе 2,2 млн тоннаға дейін өскен. Жыл басынан бергі үш айда теміржол арқылы экспортқа жөнелтілетін мұнай өнімдерінің көлемі 1,1 млн тоннаны, қара металдар – 1,2 млн тоннаны, темір кені 3 млн тоннаны құраған. Қазақстандық өнімнің ірі импорттаушылары – негізінен Ресей, Қытай және Орталық Азия елдері. Атап айтқанда, қазақстандық көмір Ресейге, Өзбекстанға, Үндістанға, Грузияға, Швейцарияға, Польшаға, Кипрге, Түркияға және басқа да елдерге жеткізіледі. Ал қазақстандық астық Өзбек- стан, Иран, Ауғанстан, ҚХР, Тәжікстан, Түркия, Бельгия, Италия, Ұлыбритания және т.б. елдерге экспортталады.