Тиімді әріптестік тетігі
«Қазақстан теміржолшысы» газетінің тілшісі
«Қазақстан темір жолы» ҰК» АҚ мен «Qarmet» компаниясы өнеркәсіп өнімдерін орнықты және тұрақты тасымалдауды қамтамасыз ету бойынша бірлескен жұмысты дамытуды жалғастырмақ.
Металлургия және көмір өндіру үшін теміржол логистикасы өндірістік циклдың ажырамас бөлігі, сондықтан компаниялардың өзара тиімді әрекеттесуі саланың тұрақты жұмысында шешуші рөл атқарып отыр.
– Qarmet Қазақстан темір жолымен бірлесіп тасымалдау процесінің тұрақтылығын және дайын өнімді әртүрлі бағыттар бойынша уақытылы жеткізуді қамтамасыз етеді. Логистикалық тізбектің барлық қатысушыларының үйлестірілген жұмысының арқасында 2025 жылы компания жөнелтудің рекордтық көрсеткішіне – айына 300 мың тоннаға дейін өнімді шығаруға қол жеткізді. Біз көлік ағындарының тұрақтылығы мен логистиканың тиімділігін қамтамасыз ете отырып, ҚТЖ компаниясымен ынтымақтастықты одан әрі дамытуға ниеттіміз, – дейді Qarmet компаниясының логистика жөніндегі директоры Вячеслав Миронов.
Компаниялар сонымен қатар көлік жүйесінің тұрақтылығын қолдау бойынша жұмыс жүргізуде. Жекелеген бағыттардағы уақыт шектеулері жағдайында кідірістердің жинақталуын болдырмауға және нарықтың барлық қатысушылары үшін тасымалдардың болжамдылығын сақтауға мүмкіндік беретін ағындарды басқарудың арнайы режимдері қолданылып отыр. Бұл тәсіл өндіріс процесінің тәуекелдерін азайтуға және келісімшарттық міндеттемелердің орындалуын қамтамасыз етуге көмектеседі.
Сонымен қатар теміржол желісі инфрақұрылымын дамыту бағытындағы іске асырылып жатқан жобалар негізгі көлік дәліздерінің өткізу қабілетін арттыруға және тар жерлерді жоюға бағытталып отыр. Ол өз кезегінде өнеркәсіптік өндірістің өсуіне және экспорттық жеткізілімдердің кеңеюіне қосымша мүмкіндіктер туғызады.
Qarmet тасымалдау процесін одан әрі цифрландыру бағытын және жөнелту жоспарларын келісудің ашық тетіктерін қолдап отыр. ҚТЖ-мен бірлескен жұмыс көлік логистикасының тиімділігін арттыруға, жеткізілімдердің тұрақтылығын нығайтуға және Қазақстанның металлургиялық кешенінің тұрақты жұмысын қамтамасыз етуге мүмкіндік береді дейді Qarmet компаниясының өкілі.