Ақпараттық технология өңірдегі теміржолшылардың жұмысын жеңілдетті

Цифрландыру
11.08.2021, 09:29
Қосұйым Мұқашев

Атырау облысы бойынша меншікті тілші

Темір жол – қашанда бір орында тұрып қалмайтын, компанияның салалық бағдарламалары арқасында үнемі жаңару мен жақсаруды көріп келе жатқан сала. Атырау бөлімшесі де ол тың бастамалардан кенже қалмауға тырысуда. Бүгінде темір жолға жаңа технологиялар енгізілуде, инновациялық жобалар жүзеге асырылуда. Президент Жолдауына сәйкес «ҚТЖ» ҰК» АҚ әзірлеген «Цифрлық теміржол» стратегиясы Компанияның бизнес моделін цифрландыруды және барлық негізгі операциялық сегменттерге жаңа технологияларды енгізуді қарастырады: жүк және жолаушылар тасымалы, инфрақұрылым және көліктік логистика, АТ дамыту және басқару үшін үздік әлемдік стандарттар мен практиканы қолданады. Қазіргі сәтте «ҚТЖ-Жүк тасымалы» АҚ клиенттердің клиентке бағдарлануын жақсарту, тұтынушылармен өзара әрекеттесудің сапалы жаңа деңгейіне жету үшін автоматтандырылған басқару жүй- есін пайдаланады, олар «Келісімшарттық және коммерциялық жұмыс» автоматтандырылған басқару жүйесі (АБЖ ДКК) және АСУ ДКР жүйесі құжаттарды ресімдеуді азайтуға, тауарларды жіберу және тасымалдау процесінің ашықтығы мен тиімділігін қамтамасыз етуге бағытталған. «Атырау ЖТ бөлімшесінде» 16 станция АСУ ДКР жүйесіне қосылған. Цифрландыру бойынша басқа да көптеген жұмыстар жүргізілуде. Айталық, Электр энергиясын және дизельді отынды тұтынуды есепке алу, бақылау және талдауда бизнес процестерді кешенді автоматтандыру үшін локомотивтер «Энергиямен жабдықтау пакеті» автоматтандырылған басқару жүйесін (АСУ ЭДТ) пайдаланады. Пойыздың жұмысын жедел басқару және басқару аймақтарындағы жедел жағдайды көрсету үшін, жекелеген бағыттар және тұтастай алғанда орындалған пойыздар қозғалысы кестесінің автоматтандырылған (ГИД Урал) жүйесі де енгізілуде. «ҚТЖ» АҚ бойынша «ГИД Урал» жүйесіне 7 станция мен 70 абонент қосылған. Атырау-Исатай диспетчерлік телімінде пойыз қозғалысын қағазсыз жоспарлау технологиясы енгізілуде. Электрондық құжат айналымы, сондай-ақ, SAP жүйесі де солай. Бұлар басқа құрылымдық бірліктермен байланысты айтарлықтай жеңілдетеді. Сондай-ақ, Мақат-Сағыз учаскесінде АСДЦ «Ақтөбе» атты автоматтандырылған жаңа диспетчерлік орталығы іске қосылуда. Маңғышлақ-Бейнеу-Оазис-Мақат-Атырау-Ақсарай учаскелерінде ұзындығы 1196 шақырымды құрайтын диспетчерлік орталықтандыру қондырғысы түбегейлі жаңартылды. Мұнда да байланыс бұрынғыдан әлдеқайда жақсарып, еңбек үдерісінің үдеуіне жағымды ықпал етуде. Байланыс және белгі беру дистанцияларында байланыспен қамтамасыз ету жағына аса көңіл бөліп, ескі байланыс құрылғыларын жаңа үлгідегі, озық технология талаптарына сай жүргізуге көшті. Сондай-ақ, талшықты-оптикалық байланыс желісі (ВОЛС) кабелі жүргізіліп, байланыс айтарлықтай жақсарды. Ақпарат беру жеделділігі әлдеқайда артты, әсіресе, мәліметтер беру желісі арқылы. Сондай-ақ, барлық аймақ бойынша DX-500 арқылы телефон байланысы орнатылды. Ол арқылы халықаралық сөйлесулер комутатордың қосуынсыз немесе «8» байланыс нөмірінсіз мүмкін болды, яғни сөйлесулер жедел әрі тегін. Электр дистанциясы бойынша Аққыстау станциясында жаңа подстанция салынды. Бүгінде технологиялық үрдістердің дамуына сәйкес, бөлімшеде станциялардың жұмысын жақсартуға ерекше көңіл бөлініп отыр. Мәселен, Ресейдің Астрахань қаласымен шектесетін Ақсарай-2 мемлекетаралық түйіспе пунктінде Қазақстан бойынша экспедиторлардан транзиттік төлемдерді уақытылы алу мақсатында жүк кассирлері мен пойыз қабылдаушыларға арнап автоматтандырылған қосымша жұмыс орындары өз қызметін бастады. Бұл шекарада еңбек ететін қазақстандық теміржолшылар үшін жүйелі жұмыс тәсілі болып табылады. Сондай-ақ, Бәйтерек және Бек-бике станциялары бойынша да пойыздар және вагондармен атқарылған жұмыстардың мәліметтерін ақпа- раттық жүйеге мерзімінде өткізу мақсатында станция кезекшісіне арнап қосымша автоматтандырылған жұмыс орындары қамтамасыз етілді. Бұрын қанша вагонның келіп кеткені, станция жұмысына қатысты басқа да мәселелер телефон байланысы арқылы айтылса, енді барлық ақпарат автоматты түрде компьютерде көрініп тұрады. Яғни, аталған станцияларда ГИД Урал жүйесі орнатылып, пойыздар қозғалысы, жұмысты жоспарлау және вагондарды өңдеу туралы жедел ақпарат беруге мүмкіндік ашылды. Ақжайық станциясында да АСУ-Узел жүйесі енгізіліп, ол вагондар мен пойыздар жұмысын ұйымдастыруды, жүкті түсіру не тиеу бойынша ақпаратты жеделдетуге мүмкіндік берді. Ал, Сағыз станциясынан Ганюшкино станциясына дейінгі жол телімі ВОЛС желісіне қосылып, мұнда да ақпаратты үлкен көлемде және шұғыл беруге жағдай жасалды. Сонымен қатар қазіргі заман талабына сай қолға алынған жобалардың бірі – Батыс өңірдегі «Пойыздар қозғалысын басқару орталығы» жобасы. Орталығы Ақтөбе қаласында және ол Ақтөбе, Атырау, Маңғыстау, Орал, Қызылорда бөлімшелерінің диспетчерлік орталықтарын біріктірді. Бұрын пойыздар қозғалысын басқару, жолдардағы бағдаршамдарды реттеу, бұрмаларды ауыстыру, жолдардың бос болу-болмауын қадағалау сынды жұмыстар өңірлердегі пойыз диспетчерлерімен жүзеге асырылып келген болатын. Ал, жаңа жүйе бойынша станцияларда микропроцессорлық диспетчерлік орталық (МПДО) қондырылып, ол пойыздар қозғалысын автоматты түрде қадағалауға мүмкіндік береді. Жоғарыда аталған бес облыстағы пойыздар қозғалысы бір орталықтан басқарылып отыр.

Жаңалықтар
01.08.2025
ҚТЖ-ның үздік қызметкерлері мемлекеттік және ведомстволық наградалармен марапатталды
Аймақтар
01.08.2025
Қызылорда теміржолының шежірелі жолы мен жаңа жетістіктері
Аймақтар
01.08.2025
Ерен еңбек еленген күн
ҚТЖ келбеті
01.08.2025
Маңғыстаулық машинист Президент қолынан мемлекеттік награда алды
Жаңалықтар
01.08.2025
ҚТЖ басқарма төрағасы қызметкерлерді теміржолшылар күнімен құттықтады
Жаңалықтар
01.08.2025
Көлік саласы қызметкерлеріне мемлекеттік наградалар табыс етілді
Жаңалықтар
01.08.2025
Мемлекет басшысы көлік саласының қызметкерлерін марапаттады
Жаңалықтар
01.08.2025
ҚТЖ «HR-бренд 2025» байқауында жүлделі орынға ие болды
Аймақтар
01.08.2025
Кәсіби мерекеге тарту
Аймақтар
01.08.2025
Сын сағатта сыналғандар
ҚТЖ келбеті
01.08.2025
Темір жолдың темірдей тәртібінде шыңдалған ер
ҚТЖ келбеті
01.08.2025
Құрметке лайық Күнсұлу
Аймақтар
01.08.2025
Мамандық таңдау – маңызды қадам
ҚТЖ келбеті
01.08.2025
Теміржолшының сергектігі – жүздеген жолаушының амандығы
ҚТЖ келбеті
01.08.2025
Байланыстың бапкері
ҚТЖ келбеті
01.08.2025
Алғыс арқалаған жолсерік
Жүк тасымалы
01.08.2025
«ҚТЖ» – Еуразиялық транзиттік дәліздердің негізгі драйвері
Аймақтар
01.08.2025
Сенат депутатымен кездесу өтті
Жаңалықтар / Мұрағат
01.08.2025
Қазақстан теміржолшысы газеті, №59-60 01 тамыз 2025 жыл
Темір жол тарихы
31.07.2025
Темір жол тарихы жайлы жаңа кітап жарық көрді