Пәкістанда жолаушылар пойызы жарылып, 20 адам қаза тапты

Пәкістанның Кветта қаласында теміржол бойында болған жарылыстан кем дегенде 20 адам көз жұмып, тағы бірнеше адам жарақат алды, деп хабарлайды Rail-news.kz.

Қайғылы оқиға Ид (Айт) мерекесін тойлауға бара жатқан жолаушылар пойызы өтіп бара жатқан сәтте болған. Жолаушылар отбасыларымен қауышу үшін мерекелік сапарға шыққан.

Полиция мәліметінше, жарылыс күші сондай, теміржол бойында тұрған көліктерге де зақым келген.

Шабуылды «Белуджистанды азат ету армиясы» (BLA) сепаратистік тобы өз мойнына алып, оның лаңкестік әрекет екенін және оны жанкешті жасағанын мәлімдеді. Алайда Пәкістан билігі бұл ақпаратты әзірге растаған жоқ.

Куәгерлердің айтуынша, жарылғыш заттар тиелген көлік пойызға келіп соғылып, жарылған.

Белуджистан провинциясындағы полиция және азаматтық әкімшілік өкілдері 20 адамның қаза тапқанын растады. Құрбандар саны әлі де артуы мүмкін. Ресми тұлғалардың хабарлауынша, қаза болғандардың арасында кемінде үш сарбаз бар.