Атыраудағы жолдардың 60 пайызы темірбетон шпалдарға ауыстырылған

Инфрақұрылым
18.03.2022, 09:46
Қосұйым Мұқашев

Атырау облысы бойынша меншікті тілші

Атырау жүк тасымалы бөлімшесі өндірісті аймақта орналасқандықтан мұнда жұмыс көлемі де жоғары. Соған сәйкес, жол табаны да тез тозады. Бүгінде өңір темір жолдарының 60 пайызы темірбетон шпалдарға ауыстырылып, пойыздар қозғалысының қауіпсіздігі артқан.

– Бөлімшеде жол қауіпсіздігі мен еңбек қорғауға айрықша мән беріліп отыр. Исатай-Ақсарай учаскесінің Ганюшкино-рзд. №7- де бөлек пункт ашылғалы бері телімде тәулігіне 24-тен 28 жұпқа дейін пойыз өткізу қабілетіне жетті. Атыраудың мұнайлы аймақ болуына байланысты мұнай және мұнай өнімдерін жіберушілер негізінен «Теңізшевройл», «Ба- тыстрансгрупп», «Парк хранения сжиженного газа», «Тенгизская Транспортная Компания» сынды компаниялар. Сондай-ақ өлкедегі Қарабатан елді мекенінде газ өңдейтін үлкен зауыт құрылысы салынып жатқандығына орай, көптеген мекемелермен, соның ішінде «АМӨЗ» ЖШС, «Теміржол Құрылыс Атырау» сынды кәсіп- орындарда вагондарды эстакадаға жеткізу үшін жолдарды ұзарту бағытында ұсыныстар енгізіліп, іске асуда. Жүк тасымалы өткен 2 айда 100 пайызға орындалды.

– Бөлімшеде өткен жылдың қорытындысы бойынша қозғалыс қауіпсіздігі ережелерін бұзушылық орын алған жоқ. Әрине, ең бірінші жол сапасы- на басымдық беріледі. Қазіргі уақытта жолдың балдық көрсеткіш жоспары 70 балл болса, орындалуы 55 балды құрады, яғни жол күтімі 15 балдық көрсеткішке жақсартылды. Бөлімше бойынша былтырғы жылы 55,53 шақырым жол күрделі жөндеуден өткізілді. Мұндағы жол аралықтарының ескі темір жолы түгел алынып, орнына жаңа темірбетонды шпалдармен, түйіспесіз жолдар салынды. Бұл дегеніміз болтқа, қапсырмаға, ағаш шпалдарға деген шығынды азайтады. Қазірде жолаушылар пойызының жылдамдығы 60 км/сағ – 120 км/сағатқа, жүк тасымалы пойызының жылдамдығы 50 км/сағаттан 100 км/сағатқа артты, – дейді бас инженер Б.Картан.

– Өткен жылдары Атырау – Мақат аралығында 24,7 км, Исатай – Д.Нұрпейісова аралығында 24,3 км жол жаңа материалдармен күрделі жөндеуден өтіп, сол арқылы учаскелерде жүк қозғалысының жылдамдығы 70-тен 90 км/сағатқа, жолаушы пойызы қозғалысының жылдамдығы 80- нен 100 км/сағатқа артты. Жүк айналымы көлемін 5 пайызға өсіру арқылы еңбек өнімділігін арттыру, электр энергиясын үнемдеу, қозғалыс құрамын тиімді пайдалану, пойыздардың салмағы мен ұзындығын арттыру арқылы локомотив-сағаттарды қысқарту, жол шаруашылығында озық механизмдерді пайдалану сынды жұмыстар табысты жүргізіліп келеді. Бірақ, тепловоздарды шұғыл тежеу мен мал басу саны азаймай отыр, өйткені темір жол бойында иесіз жүрген мал көп. Бөлімше бойынша өткен жылы 100-ге жуық мал басу оқиғасы, ал локомотивті шұғыл тежеудің екі жүзден астам жағдайы тіркелген. 2021 жылы қараусыз малдың теміржолға шығып кетпеуі үшін Атырау және Құлсары жол дистанциялары 100 шақырым көлемінде қоршау салып, ол жұмыс желтоқсан айына дейін жалғасты. Бұл бағыттағы жұмыстар, жалпы жол табанын сауықтыру биыл да жалғасатын болады.

ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр
Жолаушылар тасымалы
25.08.2025
ҚТЖ-ның жолаушылар пойыздарында 140 ереже бұзушылық анықталды
Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын