«Алматы – Ташкент» бағытында Тальго пойызы күнделікті қатынайтын болды
14 желтоқсаннан бастап «Жолаушылар тасымалы» АҚ «Алматы – Ташкент» халықаралық бағыты бойынша Тальго пойызының қозғалыс кестесін күнделікті режимге ауыстырады. Бұл шешім тәулігіне 400-ден астам жолаушыны тұрақты түрде тасымалдауға мүмкіндік береді, деп хабарлайды Rail-news.kz.
Бағытқа жоғары жайлылық деңгейіне ие Тальго құрамдары шығарылады. Күнделікті қатынас пойыз қозғалысының тұрақтылығын қамтамасыз етіп, сапарларды жоспарлауды ыңғайлы етеді.
Күн сайынғы қатынастың енгізілуі Қазақстан мен Өзбекстан арасындағы көлік байланысын нығайтуға, туристік ағынды арттыруға, сондай-ақ, екі ел арасындағы мәдени және іскерлік байланыстарды дамытуға ықпал етеді.
Алдағы қысқы маусымға орай бірқатар бағыттарда пойыз қозғалысы кестесіне қосымша өзгерістер енгізілуі жоспарлануда.
Билеттерді bilet.railways.kz ресми сайтынан және теміржол вокзалдарының билет кассаларынан сатып алуға болады. Қосымша ақпаратты 1433 тегін нөмірі арқылы білуге болады. Пойыздардың нақты келу және жөнелту уақыты туралы ақпарат https://tablo-railways.kz/ru/ онлайн-таблосында қолжетімді.