Қазақстанда 5 мың шақырым жаңа темір жол салынады – Тоқаев

Әлемдегі геосаяси ахуал шиеленісіп, жікке бөлінушілік күшейген сайын инвестиция ағынына қатысты саяси сыңаржақ ұстаным да белең алуда. Соның салдарынан өткен жылы жаһандық тікелей шетелдік инвестициялар көлемі 1,5 трлн долларға дейін қысқарған. Бұл туралы Қасым-Жомарт Тоқаевтың БҰҰ Бас Ассамблеясының 80-ші сессиясындағы Жалпы дебатта айтты, деп хабарлайды Rail-news.kz.

Президент еліміз инвестиция саласында халықаралық ынтымақтастықты кеңейтуді табанды түрде қолдайтынын мәлімдеді. Тәуелсіздіктің 30 жылында ел экономикасына 400 млрд доллардан астам қаржы тартылған. Мемлекет әрқашан ашық нарық қағидаттарына сүйеніп, бұл саясаттың негізгі бағыты ретінде қала береді.

Қасым-Жомарт Тоқаев сондай-аұ транзиттік әлеует пен инфрақұрылымға құйылған инвестиция жайлы да айтты.

«Еуразия жүрегінде орналасқан Қазақстан Азия мен Еуропа арасындағы құрлық арқылы тасымалданатын жүктің 80 пайызына қызмет көрсететін ірі логистикалық хаб рөлін атқарады. Ел көлік-транзит инфрақұрылымына ондаған миллиард доллар инвестиция салып жатыр. Оның ішінде: «Бір белдеу, бір жол» бастамасы, Солтүстік – Оңтүстік көлік дәлізі, Транскаспий көлік бағыты бар. 2029 жылға дейін 5 мың шақырым жаңа теміржол салу жоспарланған. Қазақстан қалыптасып келе жатқан жаһандық көлік жүйесінің өзегіне айналуды көздейді», - деді мемлекет басшысы.