Машинистер қысқа дайын ба?

Инфрақұрылым
15.11.2018, 11:43

Қызылорда локомотив пайдалану депосы ұжымы алдағы қыс маусымына локомотив паркін, депо шаруашылығы мен мамандар дайындығын 100 пайыз қамтамасыз етті деп хабарлайды депо бастығының өндіріс жөніндегі орынбасары Жанатбек Жүнісов.   

  Депо бойынша қыс маусымына дайындық жұмыстарының тақырыптық жоспары түзіліп бекітілген. Сол бойынша барлық жоспарлы жұмыстар атқарылып, оларға бақылау жасалды. Сонымен қатар тепловоздарды қысқы маусымға көшіру барысында тепловоздың автотежегішін игеруді практикалық тұрғыдан меңгеру, өрт сөндіру ережелерін пысықтау сабақтары қосымша өткізіліп, қайта сынақ тапсырылуда. Қыс маусымын алғаш теміржолда өткізетін теміржолшылармен арнайы сабақтар өткізіліп, олар әдеттегідей тәжірибелі мамандарға бекітіліп берілген. 

– Депоның инвентарлық паркінде барлығы 36 тепловоз бар, оның 21-і магистральдық тепловоз болса, маневрлік жұмыстарға 15 тепловоз белгіленген. Жылжымалы құрамдардың қозғалыс қауіпсіздігін сақтау шараларын арттыру мақсатында тепловоздардың барлығы АСУ-ЭДТ құрылғысымен жабдықталса, РПЛ мен КЛУБ-У құрылғыларымен 12 тепловоз жарақталған. Қар тазалайтын СДПМ машинасымен жұмыс жасайтын екі тепловоздың АЛСН кодын қабылдап бейімделуі сынақтан өткізілді. Тепловоздарға қажетті жанар-жағармайлардың бәрі толығымен қамтамасыз етілген және жеткілікті қормен қамтылған, – дейді депо басшысының өндіріс жөніндегі орынбасары Жанатбек Жүнісов.

Депода бүгінгі таңда барлығы 328 машинист еңбек етеді. 25 машинист – бірінші санатты, 87 – екінші және 162 машинист үшінші санатты. Сонымен қатар 321 машинист көмекші, локомотивтерге ТО-2 қызметін жасайтын 23 слесарь бар.

Шиелі мен Қазалы станцияларында айналым деполары бар Қызылорда локомотив пайдалану депосының ғимараттары түгел жылумен қамтамасыз етілген. Шиелі айналым депосын жылытуға қажетті 101 тонна көмір қоймаға түсіріліп, қалған 233 тонна отын қоры әлі де жеткізілуде. Шиелі станциясындағы машинистердің демалыс үйінің жылыту пеші қажетті 48 тоннаға жуық дизельді отынмен қамтамасыз етілген. Жалпы алғанда қыс маусымы үшін деполарға қажетті жанар-жағармай толығымен жеткізілген.

 Сонымен қатар, жеке құрамның қыстық киім-кешекпен қамтылуында да кедергі жоқ. Мәселен, қазіргі таңда теміржолшыларға керекті 7491 жұп қолғап, 727 бәтеңке, 535 құлақшын, 365 дана жылы етік пен 210 дана гудок костюмі машинистердің сұранысына орай үлестірілуде екен.

Дегенмен, «әттеген-ай» да жоқ емес. Мәселен, басшылықты Шиелі айналым депосында локомотив бригадаларының демалыс үйінің 2006 жылдан бері жөндеу көрмей келе жатқаны алаңдатады. Ғимараттың іші және сырты жөндеуді талап етсе, кәріз жүйесіндегі қысымды көтере алмай жиі тесіліп, істен шығатын металл құбырлар, канализациялық насос станциясы жаңасымен ауыстыруды қажет етеді.

Айта кетейік, Мұсаев Жұлдызбай басқаратын Қызылорда локомотив пайдалану депосында барлығы 800-ден астам адам еңбек етеді. Депо Түркістан мен Сексеуіл арасындағы 800 км астам телімде жүк және жолаушы құрамдарын тасымалдау қызметін қамтамасыз етеді.   

Локомотив пайдалану депосының машинистері ағымдағы жылдың өткен 10 айында 8400 жолаушы пойызына қызмет көрсетіп, 9000 жүк пойызымен 12 миллион 449 мың 724 тонна-км-брутто жүк тасымалдаған. Жүк пойыздарының орташа салмағы шамамен 3300 тонна-км-брутто болған. Яғни, жүк тасымалдау бойынша он айлық 10994,906т.км.брутто жоспарын 113, 23 пайызға орындап, 12449,724 млн т.км.бруттоға жеткізген.  

Сабырхан СЕЙІЛБЕКҰЛЫ, Қызылорда

Суретті түсірген Өмірбай Түменбай 

Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті
Жаңалықтар
17.04.2025
ҚТЖ-да көктемгі комиссиялық тексеру басталды
Аймақтар
17.04.2025
Жамбыл облысында бес вокзал күрделі жөндеуден өтеді
Жүк тасымалы
17.04.2025
Кері байланыс қызмет көрсету сапасын арттырады
Аймақтар
17.04.2025
«Жолшы кәсібімен мақтан» республикалық семинары өтті
Инфрақұрылым
17.04.2025
Еліміздің алты өңірінде темір жолды жөндеу жүргізілуде
Қауіпсіздік
16.04.2025
Қызылорда өрт сөндіру пойызы кәсіби дайындықтарын шыңдады
Аймақтар
16.04.2025
Жолаушы қызметінде – қырық жыл
Жаңалықтар
16.04.2025
ҚТЖ-да танымал ақындардың шығармашылық кеші өтті
Жаңалықтар
16.04.2025
ҚТЖ Бизнес трансформация орталығы озық технологияларды енгізуде
Жаңалықтар
16.04.2025
Темір жолдарда су басу қаупі жоқ
ҚТЖ келбеті
15.04.2025
ЦЖС аруы Қызылордада тұрады
Спорт
15.04.2025
Теміржолшылар қалалық спартакиадада топ жарды
Темір жол тарихы
15.04.2025
Соғыс тарихынан сыр шерткен жәдігерлер