Атырау темір жолында COVID-19 індетіне қарсы сақтық шаралары күшейтілді
Атырау облысы бойынша меншікті тілші
Екі жылдан бері әлемді дүрліктірген коронавирус індетінің жаңа ошағы анықталғалы елде сақтық шаралары қайта күшейтіліп, бірқатар өңір «қызыл» аймаққа енді.
«ҚТЖ-Жүк тасымалы» ЖШС «Батыс» филиалына қарасты Атырау қосалқы бөлімшесі бойынша COVID-19 індетіне қарсы 1975 қызметкер 2 компонентте екпе алды. Қалған қызметкерлер белгілі себептермен, соның ішінде жүкті және бала күтімінде отырғандар немесе дәрігердің анықтамасы бойынша екпе алуға болмайтын жұмыскерлер бар. Бөлімше бойынша барлық қызметкерлер коронавирустық инфекцияның таралуының алдын алу үшін қажетті құралдармен қамтамасыз етіліп, сақтық шаралары қолға алынған. Сатып алу заңы бойынша қызметкерлер қажетті заттармен қамтамасыз етілуде, соның ішінде бетперде, антисептик, хлор таблеткалары, сабын және тағы басқа да қажетті құралдармен 100% қамтылған.
Сондай-ақ, коронавирустық инфекцияның таралуының алдын алу бойынша бөлімше қызметкерлері арасында «Медикер-Жайық» Атырау және Құлсары филиалының медицина қызметкерлері мен жергілікті емхана дәрігерлерінің қатысуымен түсіндіру жұмыстары жиі өткізіліп тұрады.