Атырау машинистері отын үндемдеу тәсілдерін үйренуге кірісті

Жаңалықтар
21.06.2022, 18:20
Қосұйым Мұқашев

Атырау облысы бойынша меншікті тілші

Атырау локомотив пайдалану депосының локомотивтері жаз маусымында толыққанды жұмысқа кірісті. Депо паркіндегі көктемгі тексеруден өткен барлық 22 тепловоз магистралдық және маневрлік қозғалыс түрлеріне қызмет көрсетуде.

Мамыр айында депо бойынша тасымал жұмысы 867,767 млн.тонно-км бруттоны құрап, жоспар 1,43 пайызға артығымен орындалды. 

Әрине, тепловоздар тоқтаусыз жүріп тұрса жұмыс көлемі де артып, жүк айналымы жақсарады. Бірақ локомотивтердің жөндеуге тұру жиілеп кететін кездері аз емес. Мысалы, өткен мамыр айында жоспардан тыс жөндеуге 9 тепловоз кірсе, 5 айда ол 66 бірлікке жеткен. Депоның инженер-технологы Айдар Қонарбаевтың айтуынша, ол көбіне сапасыз жөндеуден болатын құбылыс. Бес айда бір тепловоз 5-6 рет жөндеуге кірген. Әрбір тепловоз 48 сағат жұмыс істегеннен кейін техникалық қызметке кіруі керек болса, сервис орталығы мамандары оны белгіленген уақытта жұмыс көлемін бітіріп, тепловозды жолға шығаруды қолға алуы тиіс. Бірақ кейде ол ұзақ кідіріп қалады. Қосалқы бөлшектер жеткіліксіздігіне қоса салғырттық та бар. 

Локомотив бригадаларының жұмысындағы көрсеткіштердің бірі - жанармай шығыны. 5 айда ол 96,1%-ға, мамыр айы бойынша 113,6%-ға орындалған. Жанармай шығыны артқан. Оның бірнеше себептері бар, біріншіден жоспар артығымен орындалғасын дизель шығыны да артады, екіншіден пойыздың салмағы да әсер етеді. Учаскелік жылдамдық, локомотивтің қызып тұруы, тіпті қатты жел екпінінің де әсері болады. Міне, осындай факторлар отын шығынын арттырған. Одан бөлек өндірістен тыс шығындар бар, шұғыл тежеу, түсіру-мінгізу, өтуге не кіруге тиым салынатын белгілер, жоспардан тыс ескертулер т.т. 

Сонымен қатар, өткен 5 айда 121 машинист 119,350 тонна дизель отынын үнемдесе, 50 машинист 30 тонна артық шығын жұмсаған. «Соған орай бірнеше отырыс өтіп, онда 4 машинистке сөгіс, 65-не ескерту жарияланды. Артық отын жаққандармен 14 рет сапарға шығып, отынды тиімді пайдалану бойынша әдістер үйретілді. Ал отын үнемдегендерге сыйақы берілді» дейді депо инженері. 

Биылғы жылдың 5 айының қорытындысы бойынша депода жазатайым зақымдану жағдайы кездеспеген. Аталған мерзім ішінде еңбек жағдайын жақсартуға бөлінген қаражат толықтай игерілген. Қорғаныш құралдарын сынау, локомотивтерде жарық беру плафондарын қондыру және алмастыру, желдеткіштерді жөндеу, ғимаратқа ағымдағы жөндеу жүргізу жұмыстары өз деңгейінде жүргізілген. Ай сайын «Еңбек қорғау» күні өткізіліп, кестеге сәйкес локомотив бригадалары, жүргізушілермен техникалық сабақтар өтіп тұрады. Жұмысшылар арнаулы киіммен 100 пайыз қамтылса, жұмысшы-қызметкерлерге электр қауіпсіздігі жөнінде аттестация өткізіліп, локомотивтер мен цехтар медициналық құрал-жабдықтармен жеткілікті мөлшерде жабдықталған. 

Басшылар мен машинист нұсқаушылар еңбек қорғау жұмысына қатысу нормативтерін орындау мақсатында бекітілген кестеге сай Атырау-Ганюшкино-Ақсарай, Атырау-Мақат-Құлсары учаскелеріне апта сайын шығып, локомотивтердегі еңбек қауіпсіздігі жағдайын, локомотив бригадаларының еңбекке қабілеттілігін тексеріп отырады. Ауысымға шығар алдында және одан кейін машинистердің денсаулығын, қан қысымын, т.б. тексеріп отыратын, ауырып қалған адамдарға алғашқы медициналық көмек көрсететін арнайы бөлмеде медицина қызметкерлері жұмыс істейді. 

Атырау, Құлсары, Ганюшкино, Мақат, Сағыз станцияларында локомотив бригадаларының тынығу орындары күрделі жөндеуден өткізіп, ауа баптағыш, кір жуғыш машинамен жабдықталған. 

Атырау мен Сағыз демалыс үйлерінде локомотив бригадалары үшін ыстық тамақ беріледі, басқаларында тоңазытқыш, қысқа толқынды пеш бар. Жуынатын ыстық-суық су бар. Бөлмелерде жайлы төсек, теледидар қойылған. Қысқасы, тынығуға барлық жағдай жасалған.

Жаңалықтар
04.04.2025
ҚТЖ және Цзиньхуа Көлік-инвестициялық тобы логистикалық кешен салу туралы келісті
Жаңалықтар
04.04.2025
"KTZ Express" қытайлық серіктеспен екі меморандумға қол қойды
Жаңалықтар
04.04.2025
Теміржолшылар мен полиция бірігіп 238 рейд жүргізді
Аймақтар
04.04.2025
Бақытын Болашақтан тапқан
Станция тынысы
04.04.2025
Жұмыс қарқыны жоғары
Жолаушылар тасымалы
04.04.2025
«Ақтөбе-Қазалы» бағыты бойынша рейс ашылды
Сұхбат
04.04.2025
Александр Ширяев: Қажетті вагон паркі мен тиімді тасымал ұсынамыз
Аймақтар
04.04.2025
Бөлімше директоры шағын бекеттерді аралап, теміржолшылармен кездесті
Жаңалықтар / Мұрағат
04.04.2025
Қазақстан теміржолшысы газеті, №25 04 сәуір 2025 жыл
Аймақтар
03.04.2025
Жаңа тепловоздар қызмет көрсетуде
ҚТЖ келбеті
03.04.2025
Аягөздік ардагерге құрмет көрсетілді
Әлемде
03.04.2025
Қырғызстан Ыстықкөлді айналып өтетін теміржол жобасын әзірлеуде
Жолаушылар тасымалы
03.04.2025
ҚТЖ ревизорлары пойызда билетсіз жолаушыларды анықтады
Аймақтар
02.04.2025
Жұмысшы мамандар ұстаханасы
Әлемде
02.04.2025
Өзбекстанда жаңа жолаушылар вагондары таныстырылды
Қауіпсіздік
02.04.2025
Шымкентте жасөспірімдер пойыз вагонына жармаспақ болды
Жаңалықтар
02.04.2025
ҚТЖ-да Словения компанияларымен кездесу өтті
Жолаушылар тасымалы
01.04.2025
Jibek Joly туристік пойызы төртінші рет сапарға аттанады
Жолаушылар тасымалы
01.04.2025
«Астана-Алматы» бағытындағы «Тальго» пойызы енді Шу станциясына тоқтамайды
Жүк тасымалы
01.04.2025
Қаңтар-наурыз айларында темір жол көлігімен 3,6 млн тонна астық тасымалданды