Салғырт жаяу жүргіншілер мен қорықпайтын жасөспірімдер
Собственный корреспондент по Алматинской области
Жұмыс күні, Алматы-1 вокзалы. Мұнда көлік полицейлері Алматы жол дистанциясы қызметкерлерімен бірлесе отырып, теміржол бойында жүру ережелерін бұзатын және адамдарды жиі басып кететін қауіпті жерлерге рейд жүргізді.
«Темір жол – қауіпті аймақ» акциясы жиі ұйымдастырылады. Оның мақсаты - Алматы-1 стансасы аумағында заңбұзушылық пен балалар жарақатының алдын алу. Рейд барысында көлік полицейлері заң бұзатын жасөспірімдерді ұстап, оларға түсіндірме жұмыстарын жүргізіп, ескерту береді. Оған қоса темір жолға жақын маңдағы аудандарды аралап, тұрғындарға профилактикалық жұмыстар жүргізеді.
Алматы-1 стансасындағы ОАП ЖПБ аға инспекторы Ақмарал Ақмолдаеваның айтуынша, кәмелетке толмағандардың жарақат алуының және оларды электр тоғы соғуындағы негізгі себептер қауіпсіздік ережелерін білмеу және бұзу болып отыр.
Байланыс сымына жақын бару қауіпті, екі метрден аз ара қашықтықтың өзінде өлімге әкелетін күйік алуыңыз мүмкін. Сондықтан электр сымының астында тұрған вагондардың барлығы адам өміріне қауіпті, ал оның төбесіне шығу өзіңізді өлімге итермелеумен тең.
- Қазір жастар арасында «тренсерфинг» сияқты бейресми қозғалыс тарап жатыр. Жастар, оның ішінде кәмелетке толмағандар, жылжымалы құрамның төбесіне, вагон аралық қосқыштарға мініп, айналасын бейнекамераға түсіріп, бейнежазбаларды өз сайттарына жүктейді. Бұл ретте олардың өміріне екі жақтан қауіп төніп тұр, жылжымалы құрамнан құлауы мүмкін және тоқ соғып, электр жарақатын алуы әбден мүмкін», - дейді Амарал Ақмолдаева.