ҚТЖ Қостанайдағы орман өртін сөндіруде батылдық танытқан теміржолшыларды марапаттады
«ҚТЖ» ҰК» АҚ-ы Қостанай өңіріндегі орман өртін сөндіруде батылдық танытқан теміржолшыларды марапаттады, деп хабарлайды Rail-news.kz.
Осы жылдың қыркүйегінде теміржолшылар мен өрт сөндірушілер бірлескен күштермен өрттен ең көп зардап шеккен және мұнай базасының жарылу қаупі бар Аманқарғай станциясында өрттің таралуын тоқтатты. Жұмыс қиын: түтін басқан, көру мүмкін болмаған жағдайда әрекет етті. Теміржолшылар батылдық пен стандартты емес жағдайларда жедел шешім қабылдау қабілеттерін көрсетті.
Құсмұрын айналым депосының машинист-нұсқаушысы Сергей Говоров контейнерлік пойыздарды өрттің арасынан көрші станцияға шығаруды ұйымдастырды, осылайша құнды жүк бүлінбеді. Оның теміржолдағы жалпы жұмыс өтілі 33 жылға жуық.
Құсмұрын айналым депосының электровоз машинисі Петр Поплетеев көмір тиелген пойызды өрттен шығарды. Ол теміржол саласында 10 жылдан астам уақыт жұмыс істейді. Аманқарағай станциясының пойыздар құрастырушысы Анатолий Соколов қиын жағдайда кәсібилік танытты, ол теміржолда 27 жыл жұмыс істейді.
Құсмұрын және Аманқарағай станцияларының бастықтары Ерлан Көпжасаров пен Аят Әлмағамбетов тәулік бойы өрттің эпицентрінде болып, өрт сөндіру пойыздарына кедергісіз қозғалыс пен жедел жанармай құюды ұйымдастыру, тоқтап қалған жүк пойыздарын эвакуациялау және тұтастай алғанда күштер мен құралдарды орналастыру жөнінде күрделі шешімдер қабылдады. Олардың әрқайсысы теміржолда он жылдан астам уақыт жұмыс істейді.
Көрсеткен батылдығы мен жанқиярлығы үшін теміржолшылар «Адал еңбегі үшін» белгісімен марапатталды.