Теміржолда қозғалыс қауіпсіздігі айлығы өтуде
Айлық аясында Бурабай Курорты локомотив пайдалану депосында бірлескен техникалық сабақтар өткізілді, деп хабарлайды Rail-news.kz.
Әрбір қызметкердің білім деңгейі мен жауапкершілігін арттыру үшін пойыздар қозғалысына байланысты «Қозғалыс қауіпсіздігі - ең алдымен!» айлығы барлық жол бөлімшелерінде өткізіледі. Жұмыскерлердің стандартты емес жағдайлардағы іс-әрекеттеріне, маневрлік жұмыстарды жүргізу кезінде келіссөздер регламентін орындауға, сондай-ақ Станциялық жолдарда жылжымалы құрамды бекіту ережелеріне ерекше назар аударылды.
Айлық аясында Бурабай Курорты локомотив пайдалану депосында бірлескен техникалық сабақтар өткізілді. Оларға Ақмола ЖТ бөлімшесінің вагон және локомотив депосының, станцияларының басшылары мен қызметкерлері қатысты.
Қозғалыс қауіпсіздігіне адами фактордың әсерін азайту үшін 2022 және 2023 жылдар ҚТЖ-да «Қозғалыс қауіпсіздігі мәдениетін дамыту жылдары» деп жарияланды.