ҚТЖ кадр саясатының жаңа нұсқасы талқыланды
ҚТЖ-да «HR бизнес-серіктестік арқылы өзгерістердің драйвері болу жолы» атты NEW VER (жаңа нұсқа) кадр саясатының бастамаларын әзірлеу бойынша стратегиялық сессия өтті, деп хабарлайды Rail-news.kz.
Іс-шараның шақырылған модераторы бизнесті қайта құрастыру бойынша сертификатталған сарапшы, HR саласындағы сарапшы Лариса Чистоедова болды. Стратегиялық сессияға компания аппаратының басшысы Серік Кеулімжаев, «ҚТЖ» ҰК» АҚ бас инженері Батыр Котырев, сондай-ақ департаменттердің, еншілес ұйымдар мен филиалдардың басшылары қатысты. Қатысушылар HR негізгі басымдықтарын, IR (өндірістік қатынастар) және ESG (экологиялық, әлеуметтік, корпоративтік басқару) принциптерін, EVP (жұмыс берушінің құндылық ұсынысы) элементтерін талқылады.
Бүгінгі таңда компания алдында бірқатар стратегиялық міндеттер тұр. Олардың ішінде еңбек тиімділігі мен өнімділігін, жұмыскерлердің әлеуметтік-экономикалық жағдайларын арттыруға, IR және ESG қағидаттарын енгізуге бағытталған міндеттер бар.
«Осыған байланысты бүгін біз негізгі серіктестеріміз бен стейкхолдерлерімізді таяу болашаққа кадр саясатының басым HR-бағыттарын бірлесіп әзірлеуге шақырдық», - деді Серік Кеулімжаев.
«ҚТЖ» ҰК» АҚ адам ресурстарын басқару департаментінің директоры Сәуле Истлеева компанияның тұрақты дамуын қамтамасыз етуге және қызметкерлердің жұмыс берушіге деген адалдық деңгейін арттыруға бағытталған HR саласындағы негізгі бастамалар туралы айтып берді.
2023-2029 жылдарға арналған кадр саясаты жобасында HR бизнес-әріптестігін дамыту, инклюзивтілік, кемсітушілікке жол бермеу, гендерлік теңдік, HR-процестерді оңтайландыру, таланттарды басқару және т.б. сияқты мәселелер қамтылғаны атап өтілді. Сәуле Истлеева қатысушыларды осы бағытта жүргізіліп жатқан жұмыстармен таныстырды. Оның айтуынша, егер алдыңғысында кадр саясаты HR-құзыреттерді және корпоративтік мәдениетті дамытуға бағытталған болса, онда жаңа нұсқа IR және ESG қағидаттарын енгізуді қамтамасыз ететін процестерді дамыту арқылы қызметкерлердің қызметі мен әлеуметтік әл-ауқатының тиімділігін арттыруға басымдық береді.
Сессияға қатысушылар HR-функциядан бизнестің жалпы көзқарасы мен не күтетіндіктерін қалыптастырып, командалық нәтижелерге қол жеткізу мәдениетіне жауапкершілік пен қатыстылықты көрсете отырып, өз идеялары мен бастамаларын ұсынды.