ҚТЖ швейцариялық «Stadler» компаниясымен шарт жасасты
2022 жылғы 13 желтоқсанда «ҚТЖ» ҰК» АҚ компаниялар тобы мен «Stadler» компаниясы отандық вагон құрастыру зауыты базасында швейцариялық технология бойынша жиналатын жолаушылар вагондарын жеткізу және техникалық қызмет көрсету шарттарына қол қойды, деп хабарлайды Rail-news.kz.
Шарттар 2021 жылғы 29 қарашада Мемлекет басшысының Швейцарияға ресми сапары кезінде қол қойылған Компаниялар арасындағы стратегиялық ынтымақтастық туралы келісімді іске асыру шеңберінде жасалды.
Stadler компаниясы 2023 жылдан бастап 2030 жылды қоса алғандағы кезеңде «ҚТЖ» ҰК» АҚ тобы үшін 537 жолаушылар вагонын құрастыруды ұйымдастыру үшін зауыттың өндірістік алаңы мен жабдықтарын жаңғыртуды жоспарлап отыр.
«ҚТЖ» ҰК» АҚ мен Stadler компаниясы ынтымақтастығын іске асырудың қорытындысында жолаушылар вагон паркінің техникалық жай-күйін едәуір жақсарту, жолаушылар қауіпсіздігі мен жайлылығын арттыру болады.
Stadler компаниясы жоғары сапа деңгейімен, заманауи жабдықтардың болуымен және бірегей ноу-хау технологияларымен ерекшеленетін теміржол жылжымалы құрамының ірі еуропалық өндірушісі. Швейцариялық компанияның жылжымалы құрамдары 45 елде, соның ішінде қысы қатал скандинавиялық елдерде пайдаланылып келеді, өйткені олар ауамен жылытылады және қосымша жылытқыштармен ауа баптайды, дизельмен және электрмен жұмыс істейді.