ҚТЖ-да іс жүргізу және архив жұмысын тексеру аяқталды

«ҚТЖ» ҰК» АҚ құрылымдық бөлімшелері мен филиалдарында іс жүргізу және архив жұмысын тексеру сәтті аяқталды, деп хабарлайды Rail-news.kz. 
Қазақстан Республикасы Мәдениет және спорт министрлігінің Архив істері және құжаттаманы басқару комитеті іс жүргізу және архив жұмысы процестерінің, нормаларының орындалуы бойынша Қазақстан Республикасы нормативтік-құқықтық актілері талаптарына сәйкестігін тексеруді жүзеге асырды.

«ҚТЖ» ҰК» АҚ құрылымдық бөлімшелері мен филиалдарындағы іс жүргізу және архив жұмысы Қазақстан Республикасы Мәдениет және спорт министрлігі Архив істері және құжаттаманы басқару комитетінің жұмысты  тексеру және бағалау нәтижелеріне сәйкес Қазақстан Республикасындағы квазимемлекеттік сектор субъектілері арасында үздіктердің бірі болып танылды.